‘ગમતાનો કરીએ ગુલાલ’ સાહિત્યસભા દ્વારા ધૂળેટીના પર્વની કાવ્ય પઠનથી ઊજવણી થશે
ગાંધીનગર સાહિત્યસભા દ્વારા હોળી ધૂળેટીના પર્વ નિમિત્તે સાહિત્યસભાના સર્જકો માટે ‘ગમતાનો કરીએ ગુલાલ’ કાર્યક્રમ આયોજિત કરવામાં આવ્યો છે. સૌ સર્જકો તેમની સ્વરચિત ગદ્ય અથવા પદ્ય રચના સાથે હાજર રહેવા અને સૌને એક રચના અને ત્રણ મિનિટની સમય મર્યાદામાં પ્રસ્તુત કરવા અધ્યક્ષ સંજય થોરાત દ્વારા આમંત્રણ આપવામાં આવ્યું છે.
‘ગમતાનો કરીએ ગુલાલ’ કાર્યક્રમ સરદાર વલ્લભભાઈ પટેલ વિદ્યામંદિર, સેક્ટર – ૭, બગીચાની સામે, ગાંધીનગર ખાતે રવિવાર દિનાંક પાંચમી માર્ચના રોજ સાંજે છથી આઠ દરમિયાન આયોજિત કરવામાં આવ્યો છે. કાર્યક્રમનું સંચાલન ડૉ. જિજ્ઞા વોહરા દ્વારા કરવામાં આવશે. આ કાર્યક્રમમાં આગામી વાર્ષિક કાર્યક્રમ અંગેની જાહેરાત કરવામાં આવશે. ગાંધીનગર સાહિત્યસભાના સૌ સર્જકોને આમંત્રણ છે.
