ગુજરાતમાં કોરોનાનો હાહાકાર: નવા 262 કેસ નોંધાયા

ગુજરાતમાં પણ ફરી એકવાર કોરોના વાયરસ માથું ઊંચકી રહ્યો છે. છેલ્લા થોડા દિવસોમાં કોરોનાના કેસમાં સતત વધારો નોંધાઈ રહ્યો છે.રાજ્યમાં કોરોનાના કેસમાં સતત વધારો થઇ રહ્યો છે. છેલ્લા 24 કલાકમાં રાજ્યમાં કોરોનાના નવા 262 કેસ નોંધાયા હતા. જ્યારે એક દર્દીનું મોત થયું હતું. કોરોનાના કુલ એક્ટિવ કેસનો આંકડો 1179 પહોંચ્યો હતો. જ્યારે ચાર દર્દીઓ વેન્ટિલેટર પર છે. અમદાવાદ શહેરમાં આજે કોરોનાથી એક દર્દીનું મોત થયું.અમદાવાદમાં છેલ્લે કોરોનાથી 28 જાન્યુઆરીએ એક મોત થયું હતું.ગુરુવારે સતત બીજા દિવસે શહેરમાં કોરોના વાયરસના 100થી વધુ કેસ નોંધાયા હતા.કોરોનાના આંકડાની વિગતે વાત કરીએ તો અમદાવાદ શહેરમાં કોરોનાના નવા 142 કેસ નોંધાયા હતાવડોદરા શહેરમાં 9,સુરતમાં 17,રાજકોટ શહેરમાં 15,ગાંધીનગર શહેર અને ગ્રામ્યમાં કુલ 6 નવા કેસ,કચ્છ અને નવસારીમાં 2-2 નવા કેસ નોંધાયા હતા.