રાજપુરોહિત સમાજે ખેતેશ્વર દાતાની ૧૧૧મી જન્મજયંતી ઉજવી

ગાંધીનગર :

ગાંધીનગર જીલ્લાના શ્રી રાજપુરોહીત સમાજ દ્વારા તાજેતરમાં તા.૨૨મી એપ્રિલના રોજ બ્રહ્માસવતાર સંતશ્રી ખેતેશ્વર દાતાની ૧૧૧મી જન્મજયંતી નિમીત્તે જન્મ કલ્યાણ મહોત્સવનું આયોજન કરવામાં આવ્યું હતું. આ પ્રસંગે સેકટર-૨૮માં શ્રી દત મંદીરથી રંગમંચ સુધી ભવ્ય શોભાયાત્રા અને કળશયાત્રા નીકળી હતી. સેકટ-૨૮ના રંગમંચ ખાતે ભવ્ય ભજન સંધ્યાનું આયોજન કરવામાં આવ્યું હતુ. આ કાર્યક્રમમાં આમંત્રીત વિશીષ્ટ અતિથીઓ તથા કાર્યક્રમના ભામાશાઓનું સ્વાગત રાજસ્થાની સાફા પહેરાવી પુષ્પગુચ્છથી કરવામાં આવ્યું હતું. આ પ્રસંગે કાર્યક્રમની કમીટીના સક્રીય કાર્યકર્તાઓ વિક્રમ થાળવાળા વિક્રમસિંહજી, છત્રસિંહજી માદા, શંકરસિંહ તાલુકા ખીમસિંહ સેપટાવાસ વિક્રમસિંહ કુવારડા, ગીરધારી બારવા અંકીતસિંહ ઝાડોલી રાજુસિંહ ફીચનું સ્વાગત અને અભિવાદન કરવામાં આવ્યું હતું. આ ઉપરંત વિશેષ અતિથી શંકરસિંહ ગોહીલ અને કેતનભાઈ પટેલનું સ્વાગત પણ રાજપુરોહીત સમાજે કર્યું હતું.