ફુકરે-3નું ધમાકેદાર ટ્રેલર થયું રિલીઝ

ફુકરે, ફુકરે રીટર્ન ફિલ્મો પછી હવે ફુકરે 3 ફિલ્મ રિલીઝ થવા જઈ રહી છે. ફુકરે અને ફુકરે રિટર્ન્સનો ક્રેઝ લોકોના દિલમાંથી વસી ગઈ છે. હવે ફુકરે 3 પણ લોકોને ફરી હસાવવા માટે આવી રહી છે. ફુકરે 3નું ટ્રેલર મંગળવારે સાંજે લોન્ચ કરવામાં આવ્યું હતું. આ ફિલ્મ બે મહિના પહેલા આ મહિનામાં જ રિલીઝ કરવામાં આવી રહી છે. ફિલ્મ રિલીઝ થાય તે પહેલા તેનું ટ્રેલર પણ લોન્ચ કરી દેવામાં આવ્યું છે. Fukrey 3 ફિલ્મનું ટ્રેલર અપેક્ષા અનુસાર જ મજેદાર છે. ફિલ્મના પહેલા બે પાર્ટની જેમ આ ફિલ્મમાં પણ ફુકરેની ટોલી ધમાલ કરવા જઈ રહી છે. ફુકરે 3 માં ભોલી પંજાબન ચૂંટણી લડવાની તૈયારી કરી રહી છે તો ફુકરેની ટોલી પણ નવો જુગાડ કરીને પોતાની સમસ્યાઓ વધારશે. ફુકરે 3માં ચુચાને પણ ભગવાનનો નવો આશીર્વાદ મળી ગયો છે. જેમાં પુલકિત સમ્રાટ, મનજોત સિંહ, વરુણ શર્મા, રિચા ચઢ્ઢા, પંકજ ત્રિપાઠી ઉપસ્થિત રહ્યાં હતા. 

પ્રથમ બે ફિલ્મોમાં જોવા મળેલા કલાકાર અલી ફજલ ફુકરે 3માં નથી. ટ્રેલરમાં કોમેડીના નવાબની વાપસી જોવા મળી છે. હની (પુલકિત સમ્રાટ), લાલી (મનજોત સિંહ), ચૂચા (વરુણ શર્મા)ની વાપસી બતાવવામાં આવી છે. ફુકરે 3ના ટ્રેલરની શરૂઆતથી અંત સુધી તમારા ચહેરા પર સ્માઈલ રહેશે તે વાતની ગેરંટી છે. પહેલા બે પાર્ટની જેમ આ પાર્ટમાં પણ ચૂચા તમને પેટ પકડાવીને હસાવશે. દર્શકો પણ આ ફિલ્મનું ટ્રેલર જોઈને ખુશ છે. ટ્રેલરને પણ સારો રિસ્પોન્સ મળી રહ્યો છે. ફુકરે 3 ફિલ્મ 28 સપ્ટેમ્બર ના રોજ રિલીઝ થવા જઈ રહી છે. જોકે આ ફિલ્મ પહેલા એક ડિસેમ્બરે રિલીઝ થવાની હતી પરંતુ અચાનક તેને બે મહિના પહેલા રિલીઝ કરવામાં આવી રહી છે. ફિલ્મને પ્રીપોન કરવાનું કારણ પ્રભાસની ફિલ્મ સાલાર પણ છે. પંકજ ત્રિપાઠીએ કહ્યું હિન્દી અમારી ઓળખ છે.