અમદાવાદમાં શ્રાવણીયા વરસાદે જમાવ્યો રંગ,એક જ રાતમાં 5 ઈંચ વરસાદ
અમદાવાદમાં શ્રાવણીયો વરસાદ કાલે રાતે મન મુકીને વરસી ગયો. થોડા દિવસથી સર્જાતા વરસાદી વાતાવરણ વચ્ચે રાત્રે આશરે 9.30 કલાકથી વીજળીઓની સાથે વરસાદ શરૂ થયો હતો. મળતી માહિતી પ્રમાણે ગુરૂવારે અમદાવાદમાં 5 ઇંચ વરસાદ થયો હતો. વાસણા બેરેજના 6 દરવાજા 3 ફૂટ સુધી ખોલવામાં આવ્યા છે. અમદાવાદમાં મોડી રાત્રે અનેક વિસ્તારોમાં વરસાદે પોતાનો રંગ જમાવ્યો હતો. અમદાવાદનાં સેટેલાઈટ, બોપલ, થલતેજ, નારણપુરા સહિતના વિસ્તારોમાં મોડી રાત્રે જોરદાર વરસાદ વરસ્યો હતો. અનેક વિસ્તારનાં રસ્તાઓ પર પાણી ભરાયા હતાં.
