અમદાવાદના રિવરફ્રન્ટ ખાતે 1 જાન્યુઆરીથી શરૂ થશે ફ્લાવર શૉ

અમદાવાદના રિવરફ્રન્ટ ખાતે દર વર્ષે યોજાતા ફ્લાવર શૉ ને લઈ અપડેટ સામે આવ્યા છે. અમદાવાદના રિવરફ્રન્ટ ખાતે 1 જાન્યુઆરીથી ફ્લાવર શૉ શરૂ થશે.

જેને જોવામોટી સંખ્યામાં લોકો અહીં ઉમટી પડે છે. આ વર્ષે SOU, સૂર્ય મંદિર, સંસદ ભવન, ચંદ્રયાન -3, GSLV MK 3 રોકેટ, વડનગરના કિર્તિ તોરણ સહિતના સ્કલ્પચર તૈયાર કરવામાં આવશે. મોઢેરા સૂર્ય મંદિરનું 5 મીટર ઉંચુ સ્કલ્પચર બનાવવા પાછળ 43 લાખનો ખર્ચ થશે.

આમ આ તમામ સ્કલ્પચર 5.45 કરોડના ખર્ચે બનશે જે માટે અમદાવાદ મનપાએ ટેન્ડર બહાર પાડ્યું છે.આ તરફ હવે અમદાવાદ મનપા દ્વારા સ્કલ્પચર બનાવવા ટેન્ડર બહાર પાડવામાં આવ્યું છે. મહત્વનું છે કે, આ વખતે ફ્લાવર શૉમાં 5.45 કરોડના ખર્ચે 33 સ્કલ્પચર બનાવવામાં આવશે.