કોંગ્રેસને લોકસભા ચૂંટણીમાં અપેક્ષિત પરિણામો ન મળે તો રાહુલ ગાંધીએ પીછેહટ કરવા અંગે વિચારવું જોઈએ: પ્રશાંત કિશોર

રાજકીય રણનીતિકાર પ્રશાંત કિશોરે કોંગ્રેસને કેટલીક સલાહ આપી છે. તેમણે કહ્યું કે- જો કોંગ્રેસને લોકસભા ચૂંટણીમાં અપેક્ષિત પરિણામો નહીં મળે તો રાહુલ ગાંધીએ પીછેહટ કરવા અંગે વિચારવું જોઈએ. કિશોરે કહ્યું કે- રાહુલ તમામ વ્યાવહારિક ઉદ્દેશ્યો માટે પોતાની પાર્ટી ચલાવી રહ્યાં છે.

છેલ્લાં 10 વર્ષમાં અપેક્ષિત પરિણામ ન આપવા છતાં ન તો તેઓ રસ્તેથી હટી રહ્યાં છે કે ન તો કોઈ અન્યને આગળ વધવા દે છે. તેમણે કહ્યું- મારા મત મુજબ આ પણ અલોકતાંત્રિક છે. તેમણે વિપક્ષી પાર્ટીને ફરીથી મજબૂત કરવા માટે એક યોજના તૈયાર કરી હતી, પરંતુ તેમની રણનીતિને લાગુ કરવા અને કોંગ્રેસ નેતૃત્વ વચ્ચે મતભેદને પગલે તેઓ અલગ થઈ ગયા હતા.