શનિવારે સેકટર-૨૨માં સ્વૈચ્છિક બ્લડ ડોનેશન કેમ્પ યોજાશે

ગાંધીનગર :

ગાંધીનગર ખાતે દિવ્ય ભાસ્કર દ્વારા શહેરના સેવાભાવી યુવાનોની સ્વૈચ્છિક સંસ્થા હેપ્પી યુથ ક્લબના સહયોગથી આગામી તા.૩૦ નવેમ્બર શનિવારે સેક્ટર-૨૨માં સવારે ૧૦.૩૦ થી ૩ કલાક દરમ્યાન બ્લડ ડોનેશન કેમ્પનું આયોજન કરવામાં આવ્યું છે. આ રકતદાન શિબિર સે.૨૨માં ઘ-ટાઈપમાં બ્લોક નં- ૧૪/૧ ખાતે દિવ્ય ભાસ્કરના ગાંધીનગર કાર્યાલયે યોજાશે. અત્રે ઉલ્લેખનીય દિવ્ય ભાસ્કર ગૃપ દ્વારા તેના પૂર્વ ચેરમેન સ્વ. રમેશચંન્દ્રજી અગ્રવાલના ૮૦મા જન્મદિન “પ્રેરણા દિવસ” નિમિત્તે બ્લડ ડોનેશન કેમ્પનું આયોજન કરવામાં આવ્યું છે. આ રક્તદાન કેમ્પમાં રક્ત એકત્ર કરવાની સેવા ગાંધીનગર સિવિલ હોસ્પિટલની બ્લડ બેંકની ટીમ પૂરી પાડશે તેમજ રક્તદાતાઓને  રક્તદાતા પ્રમાણપત્રથી સન્માનિત કરવામાં આવશે. અત્રે એકત્ર કરાયેલું રક્ત દુર્ઘટનાગ્રસ્ત દર્દી, થેલેસેમિયા, ગર્ભવતી મહિલા અને ગંભીર બિમારીગ્રસ્ત દર્દીઓનું જીવન બચાવવામાં ઉપયોગી નીવડશે.