ગાંધીનગર-અમદાવાદમાં ઠંડકનો અનુભવ: પ્રિ-મોન્સુન ઝાપટાં બાદ વરસાદની આશા
ગાંધીનગર/અમદાવાદ: ગાંધીનગર અને અમદાવાદમાં આજ સવારથી જ વાતાવરણમાં મોટો પલટો જોવા મળ્યો છે. આકરી ગરમીની સિઝન હોવા છતાં, આકાશ વાદળછાયું રહેતા વાતાવરણમાં ઠંડક પ્રસરી છે, જેનાથી લોકોને હાશકારો થયો છે. ભીનાશભર્યા વાતાવરણને કારણે સવારના સમયે મોર્નિંગ વોક કરનારાઓએ ખુશનુમા માહોલનો અનુભવ કર્યો હતો.
હવામાન વિભાગે ૨૦ જૂન પહેલા હળવા વરસાદની આગાહી કરી હતી, ત્યારે અત્યારના વાદળછાયા વાતાવરણને જોતા વરસાદની શક્યતા વધી ગઈ છે. વાદળછાયા માહોલના કારણે તાપમાન પણ સામાન્ય કરતાં નીચું ગયું છે. અમદાવાદમાં ગત રાત્રિએ આવેલા હળવા વરસાદના કારણે પણ વાતાવરણમાં ઠંડક છવાઈ છે. લોકો હવે ચોમાસાના આગમન અને વધુ વરસાદની આશા સેવી રહ્યા છે, જોકે કેટલાક ખેડૂતોમાં કમોસમી વરસાદને લઈને ચિંતા જોવા મળી રહી છે.
