Gandhinagarમાં ક્રેન અને સાઇકલ વચ્ચે અકસ્માત, વૃદ્ધનું ઘટનાસ્થળે જ મોત

ગાંધીનગર શહેરમાં માર્ગ અકસ્માતોની (Road Accidents) ઘટનાઓ સતત વધી રહી છે. આજે સવારના સમયે સેક્ટર ૧૫, ફતેપુરા (Fatehpura) પાસે એક કરુણ અકસ્માત સર્જાયો હતો, જેમાં ક્રેનના (Crane) ચાલકે સાયકલ પર જઈ રહેલા એક વૃદ્ધને અડફેટે લેતા તેમનું શરીરે ગંભીર ઈજાઓને (Serious Injuries) કારણે સ્થળ પર જ મૃત્યુ થયું હતું. પોલીસે આ ઘટના અંગે ક્રેન ચાલક સામે ગુનો દાખલ કરીને વધુ તપાસ હાથ ધરી છે.

પોલીસ સૂત્રોમાંથી મળતી વિગતો મુજબ, ગોકુળપુરા ગામમાં રહેતા બબાભાઈ રામજીભાઈ રબારી (Bababhai Ramjibhai Rabari) આજે સવારે સાયકલ પર ફતેપુરાથી ગોકુળપુરા તરફ જઈ રહ્યા હતા. તે દરમિયાન સેક્ટર ૧૫ સરકારી વાણિજ્ય કોલેજના પાછળના ગેટ પાસે પૂરપાટ ઝડપે આવી રહેલી ક્રેને તેમને ટક્કર મારી હતી. આ અકસ્માતમાં બબાભાઈને ગંભીર ઈજાઓ થતાં તેમને તાત્કાલિક ગાંધીનગર સિવિલ હોસ્પિટલ (Civil Hospital) લઈ જવામાં આવ્યા હતા, પરંતુ તેમનું ઘટનાસ્થળે જ અવસાન થયું હોવાનું જણાયું હતું. તેમના ભત્રીજા મહેન્દ્ર અરજણભાઈ દેસાઈ (Mahendra Arjanbhai Desai) દ્વારા ફરિયાદ નોંધાવવામાં આવતા, પોલીસે ક્રેન ચાલક સામે કાયદેસરની કાર્યવાહી શરૂ કરી છે. શહેરમાં વધતા જતા અકસ્માતોને અટકાવવા માટે પોલીસ દ્વારા કડક પગલાં લેવા જરૂરી બન્યા છે.