ધોરણ ૧૦ પૂરક પરીક્ષાનું પરિણામ જાહેર: રાજ્યનું કુલ ૨૭.૬૧% Result

ગાંધીનગર (Gandhinagar) સ્થિત ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (Gujarat Secondary and Higher Secondary Education Board) દ્વારા ધોરણ ૧૦ ની પૂરક પરીક્ષા (Supplementary Exam) નું પરિણામ આજે જાહેર કરવામાં આવ્યું છે. જૂન-જુલાઈ ૨૦૨૫ માં લેવાયેલી આ પરીક્ષામાં કુલ ૯૩,૯૦૪ વિદ્યાર્થીઓ ઉપસ્થિત રહ્યા હતા, જેમાંથી ૨૫,૯૨૯ પરીક્ષાર્થીઓ પ્રમાણપત્ર મેળવવાને પાત્ર ઠર્યા છે. આમ, સમગ્ર રાજ્યનું કુલ પરિણામ ૨૭.૬૧ ટકા (Percent) નોંધાયું છે.

વિગતવાર પરિણામ જોઈએ તો, નિયમિત ઉમેદવારોમાં ૬૯,૯૮૫ માંથી ૨૧,૪૮૪ વિદ્યાર્થીઓ પાસ (Pass) થયા છે. રીપીટર (Repeater) ઉમેદવારોમાં ૧૮,૩૩૮ માંથી ૩,૪૮૪ પાસ થયા, જેની ટકાવારી ૧૯% છે. જી.એસ.ઓ.એસ. (GSOS) ના નિયમિત કેટેગરીમાં (Category) ૭૮૭ વિદ્યાર્થીઓ અને પુનરાવર્તિત જી.એસ.ઓ.એસ. માં ૧૭૪ વિદ્યાર્થીઓ સફળ થયા છે. ફેબ્રુઆરી-માર્ચ ૨૦૨૫ ની મુખ્ય પરીક્ષામાં નિષ્ફળ થયેલા વિદ્યાર્થીઓ તેમજ “બેસ્ટ ઓફ ટુ” (Best of Two) યોજના હેઠળ પરિણામ સુધારવા માંગતા ઉમેદવારોને આ પૂરક પરીક્ષા દ્વારા તક આપવામાં આવી હતી. સંસ્કૃત વિષયમાં પણ ૫૫માંથી ૩૪ વિદ્યાર્થીઓ પાસ થયા છે.