ગુજરાતમાં ફરી ચોમાસું સક્રિય: હવામાન વિભાગે ૧૪ થી ૧૬ સપ્ટેમ્બર માટે ભારે વરસાદનું યલો એલર્ટ જાહેર કર્યું
રાજ્યમાં બે દિવસની રાહત બાદ આગામી દિવસોમાં ફરીથી વરસાદનું જોર વધવાની શક્યતા છે. હવામાન વિભાગે ૧૪ થી ૧૬ સપ્ટેમ્બર દરમિયાન રાજ્યના કેટલાક વિસ્તારોમાં ભારે વરસાદનું યલો એલર્ટ જાહેર કર્યું છે.હવામાન વિભાગ અનુસાર, ગુજરાતના તમામ જિલ્લાઓમાં આગામી ચાર દિવસ સુધી હળવાથી મધ્યમ વરસાદની શક્યતા છે. જોકે, દક્ષિણ ગુજરાતના અમુક વિસ્તારોમાં ભારે વરસાદ વરસી શકે છે.
- ૧૪ સપ્ટેમ્બર (શનિવાર): સુરત, ડાંગ, નવસારી, વલસાડ અને તાપી સહિત દમણ, દાદરા અને નગર હવેલીમાં કેટલીક જગ્યાએ ભારે વરસાદની શક્યતા છે.
- ૧૫ સપ્ટેમ્બર (રવિવાર): છોટા ઉદેપુર, નર્મદા, સુરત, ડાંગ, નવસારી, વલસાડ, તાપી તેમજ દમણ અને દાદરા નગર હવેલીમાં ભારે વરસાદની સંભાવના છે. આ વિસ્તારો માટે યલો એલર્ટ જાહેર કરવામાં આવ્યું છે.
આ સિવાય, રાજ્યના અન્ય જિલ્લાઓમાં છૂટોછવાયો હળવો વરસાદ જોવા મળી શકે છે.
