રશિયામાં ફરી ભૂકંપ: પૂર્વી કિનારે ૭.૪ની તીવ્રતાનો શક્તિશાળી આંચકો, સુનામીની ચેતવણી
રશિયાના પૂર્વી કિનારે ૭.૪ની તીવ્રતાનો એક શક્તિશાળી ભૂકંપ અનુભવાયો છે, જેના કારણે પ્રશાંત મહાસાગરમાં સુનામીની ચેતવણી જારી કરવામાં આવી હતી. આ ભૂકંપ જુલાઈમાં આવેલા ૮.૮ની તીવ્રતાના ભૂકંપના વિસ્તારમાં જ આવ્યો છે, પરંતુ અત્યાર સુધી કોઈ નુકસાન કે જાનહાનિના અહેવાલો નથી.
જુલાઈ મહિનામાં કામચટકા વિસ્તારમાં આવેલા ૮.૮ની તીવ્રતાના ભૂકંપ બાદ ફરી એકવાર આંચકા અનુભવાયા છે. રશિયાના અધિકારીઓ હાલમાં સુનામીના સંભવિત જોખમ પર સતત નજર રાખી રહ્યા છે. જોકે, ભૂકંપના કારણે હજુ સુધી કોઈ મોટું નુકસાન થયાના સમાચાર નથી, પરંતુ સાવચેતીના ભાગરૂપે પ્રશાંત મહાસાગરના દેશો જેવા કે જાપાન અને અમેરિકાને પણ ચેતવણી આપવામાં આવી છે.
