સેકટર ૨૪ સ્થિત GSPC ગુજરાત ગૅસ ખાતે ઈકો ગાડી બેકાબૂ થતાં ગેસથી ભરેલ ટ્રક GSPC ગેસ પમ્પની બહાર અથડાતા ગેસ લીકેજ-આગની દુર્ઘટના સર્જાઈ

ગાંધીનગર તા. ૦૧ માર્ચ-
ગાંધીનગર શહેરના સેકટર ૨૪ સ્થિત GSPC ગુજરાત ગૅસ ખાતે તા.૨૭ ફેબ્રુઆરીના રોજ એક ઈકો ગાડી રફ રીતે ગાડી ચલાવતા બેકાબૂ થતાં ગેસથી ભરેલ ટ્રક GSPC ગેસ પમ્પની બહાર નીકળતા અથડાતા ગેસ લીકેજ થયો હતો. સાથે અન્ય અમુક ગેસની બોટલથી આગ લાગી હતી. આ દરમિયાન ગુજરાત ગેસ ખાતેના સ્થાનિક સ્ટાફ દ્વારા આગને અને ગેસને કાબુ કરવાની કોશિશ કરવામાં આવી હતી પરંતુ આગ કાબુમાં ના આવતા મદદ માટે સ્ટાફ દ્વારા ૦૭૯(૨૩૨)૫૬૭૨૦ પર કલેકટર કચેરીના ડીસ્ટ્રીકટ ઈમરજન્સી ઓપરેશન સેન્ટરને તથા ફાયર એન્ડ ઇમરજન્સી સર્વિસ ગાંધીનગરને ઘટના વિશે  જાણ કરવામાં આવી હતી. ડીઈઓસે ગાંધીનગર દ્વારા પણ તમામ ઇમરજન્સી વિભાગને જાણ કરવામાં આવી હતી. જેમાં ગાંધીનગરના સબ ફાયર ઓફિસરશ્રી તુષાર બારોટ, એમટી બળવંતભાઈ તથા પાયલોટ, પોલીસ વિભાગના એએસઆઈ તથા ટીમ,ગાંધીનગરના ઈન્ડસ્ટ્રીયલ અને સેફ્ટી ઓફિસર, સિવિલ ડિફેન્સના ડો. મહાવરી નિમાવત તથા ટીમ તાત્કાલિક ઘટના સ્થળ પર પહોંચી ઘટનાને કાબુમાં લેવામાં સફળ રહ્યા હતા. આ મોકડ્રીલમાં ઓબ્ઝર્વેશન ઓફિસર તરીકે ગાંધીનગરના ડિઝાસ્ટર મેન્જમેન્ટ સેલના મામલતદાર શ્રી નિલેશ. એ. રાઠોડ, ડીપીઓ શ્રી મૌલિક પી પંડ્યા,ગુજરાત ગેસના હેડ શ્રી બિપ્રતિપ ભટ્ટાચાર્જી તથા એચ.એસ.જીના ડે. મેનેજર શ્રી મેહુલ પરમારે હાજર રહી, મોકડ્રીલને સફળ જાહેર કરી હતી.