ગાંધીનગર જિલ્લામાં જમીન દફતર નિરીક્ષક -ILRની ૦૫ નવી તાલુકા કક્ષાની કચેરીઓ નવા સરનામે કાર્યરત

જમીન દફતર ખાતાની જિલ્લા કક્ષાએ જિલ્લા નિરીક્ષક જમીન દફતર, વર્ગ-૨ સંવર્ગની જગ્યાઓની કામગીરી તાલુકા કક્ષાએ લઈ જવાથી વહીવટી તંત્ર સુદ્રઢ અને મજબૂત બને તેમજ તાલુકાની ભૌગોલિક પરિસ્થિતિ તથા તાલુકા કક્ષાએ ઉદ્દભવતા પ્રશ્નોનું આયોજનબદ્ધ ઝડપથી નિરાકરણ થાય, તથા પ્રજાને કામગીરી માટે જિલ્લા કક્ષાએ જવાના બદલે તેઓના રહેઠાણથી નજીક તાલુકા કક્ષાએ ત્વરિત સેવાઓ મળી શકે તે હેતુથી જિલ્લા નિરીક્ષક જમીન દફતર, વર્ગ-૨ સંવર્ગ અને તે સંવર્ગ હેઠળની તમામ જગ્યાઓનું તાલુકા કક્ષાએ વિકેન્દ્રીકરણ કરીને જમીન દફતર નિરીક્ષક, વર્ગ-૨ કાર્યરત કરવાની શ્રી ગુજરાત સરકારના મહેસૂલ વિભાગના ઠરાવ તથા શ્રી સેટલમેન્ટ કમિશનર અને જમીન દફતર નિયામક સાહેબના હુકમ અન્વયે ગાંધીનગર જિલ્લામાં ૦૫ નવી તાલુકા કક્ષાની જમીન દફતર નિરીક્ષક વર્ગ-૨ ની નવી કચેરીઓ નીચે દર્શાવેલ સ્થળ અને સરનામે કાર્યરત કરવામાં આવે છે, જેની જાહેર જનતાએ નોંધ લેવા વિનંતી છે.
૧. જમીન દફતર નિરીક્ષકની કચેરી, ગાંધીનગર – જમીન દફતર નિરીક્ષક, ગાંધીનગર – જિલ્લા સેવા સદન, ચોથો માળ, ગાંધીનગર.
૨. જમીન દફતર નિરીક્ષકની કચેરી, કલોલ (શહેર) – જમીન દફતર નિરીક્ષક, કલોલ (શહેર) – જીવાભાઈ માર્કેટ, ચોથો માળ, દુકાન નં-૪થી૫, કલોલ, જી. ગાંધીનગર.
૩. જમીન દફતર નિરીક્ષકની કચેરી, કલોલ (ગ્રામ્ય) – જમીન દફતર નિરીક્ષક, કલોલ (ગ્રામ્ય) – જીવાભાઈ માર્કેટ, ચોથો માળ, દુકાન નં-૧થી૩, કલોલ, જી. ગાંધીનગર.
૪. જમીન દફતર નિરીક્ષકની કચેરી, માણસા – જમીન દફતર નિરીક્ષક, માણસા – ચારવડ પાસે, માણસા, જી. ગાંધીનગર.
૫. જમીન દફતર નિરીક્ષકની કચેરી, દહેગામ – જમીન દફતર નિરીક્ષક, દહેગામ – તાલુકા સેવા સદન, ત્રીજો માળ, દહેગામ, જી. ગાંધીનગર.