વ્હૉટ્સએપ ગ્રૂપ અને રોજગાર મેળાના માધ્યમથી આત્મનિર્ભર બનતી યુવતીનું ઉત્તમ ઉદાહરણ ખુશી પરમાર

ગાંધીનગરના સેક્ટર ૫-બી માં રહેતી પરમાર ખુશીએ રાજ્ય સરકારના રોજગાર વિભાગના પ્રયાસો અને ઓનલાઈન પ્લેટફોર્મના યોગ્ય ઉપયોગથી રોજગારી મેળવવામાં સફળતા પ્રાપ્ત કરી છે. રોજગાર વિભાગના વ્હૉટ્સએપ ગ્રૂપ થકી માહિતી મેળવીને પરમાર ખુશીએ જીઆઈડીસી ખાતે આયોજિત રોજગાર પ્રક્રિયામાં ભાગ લીધો હતો, જ્યાં ઇન્ટરવ્યુ આપ્યા બાદ તેમને સક્ષમ તક અને ઓફર લેટર પ્રાપ્ત થયો હતો.
હાલમાં તેઓ જીઆઈડીસી સેક્ટર-૨૮ સ્થિત ‘એસક્યુબ બાયો હેલ્થકેર’ માં ક્વોલિટી કંટ્રોલ ડિપાર્ટમેન્ટમાં આર.એમ. તરીકે છેલ્લા ૨ મહિનાથી સફળતાપૂર્વક કાર્યરત છે. પોતાની ખુશી વ્યક્ત કરતા પરમાર ખુશીએ જણાવ્યું હતું કે કંપનીમાં કામ કરવાનો તેમનો અનુભવ ખૂબ જ સારો રહ્યો છે અને યુવાનોને આવી ઉત્તમ રોજગારીની તકો પૂરી પાડવા બદલ તેમણે સરકારશ્રીનો હૃદયપૂર્વક આભાર માન્યો હતો.