અમદાવાદ સરદારનગરમાં મંદિરે ભેગા થયેલા ટોળાનો પોલીસ પર પથ્થરમારો.

અમદાવાદ :
સરદારનગરમાં આવેલા નહેરુ નગરના એક મંદિર પાસે ભેગા થયેલા ટોળાંને વિખેરવા ગયેલી પોલીસ પર ટોળાએ પથ્થરમારો કર્યો હતો. જોકે વધુ પોલીસ ફોર્સ મંગાવી ટોળાને વિખેરી પથ્થરમારો કરનાર 3 મહિલા સહિત 27 લોકોની અટકાયત કરી હતી. આ પથ્થરમારાની ઘટનામાં સરદારનગર પોલીસ સ્ટેશનના પીઆઈ સહિત ત્રણ પોલીસ જવાનોને નાની-મોટી ઈજાઓ પહોંચી હતી. સરદારનગરના નહેરુનગર વિસ્તારમાં આવેલા એક મંદિર પાસે લોકોનું ટોળું ભેગું થયું હતું. પોલીસ ટોળાને વિખેરવા માટે સ્થળ પર પહોંચી હતી. આ દરમિયાન ટોળું ઉશ્કેરાઈ ગયું હતું અને પોલીસ પર પથ્થરમારો કરવાનું શરૂ કરી દીધું હતું. વધુ પોલીસ ફોર્સ આવી જતા ટોળુ ભાગવા લાગ્યું હતું, જેમાંથી પથ્થરમારો કરનાર ત્રણ મહિલા સહિત 27 લોકોને પોલીસે પકડી લીધા હતા. આ ઘટનામાં જવાબદાર સામે પાસા સહિતની કાર્યવાહી કરાશે એમ પોલીસ કમિશનરે જણાવ્યું હતું.