5G ટેકનોલોજી કેસ મામલે દિલ્હી હાઈકોર્ટે જૂહી ચાવલાને 20 લાખ રૂપિયાનો દંડ ફટકારયો
જૂહી ચાવલાએ દિલ્હી હાઈકોર્ટમાં મોબાઈલ ફોનની 5G ટેક્નિક અંગે અરજી કરી હતી. જોકે, હાઈકોર્ટે આ અરજી નકારી કાઢી છે. આ સાથે કોર્ટે 20 લાખ રૂપિયાનો દંડ ફટકાર્યો છે. જસ્ટિસ જે આર મિધાએ આ કેસમાં શુક્રવાર, 4 જૂનના રોજ ચુકાદો આપ્યો હતો. કોર્ટે એમ પણ કહ્યું હતું કે અરજીકર્તા કોર્ટમાં આવતા પહેલાં સરકારને પણ આ અંગે કહી શકે તેમ હતાં.
કોર્ટે કહ્યું હતું કે અરજીકર્તાએ પૂરી કોર્ટ ફી પણ જમા કરાવી નથી. આ ફી દોઢ લાખથી વધુ છે. આ રકમ અઠવાડિયાની અંદર ભરી દેવાનો આદેશ આપવામાં આવ્યો છે. કોર્ટે કહ્યું હતું કે પૂરી અરજી લીગલ સલાહ પર આધારિત હતી, જેમાં કોઈ તથ્ય મૂકવામાં આવ્યા નહોતા. અરજીકર્તાએ પબ્લિસિટી માટે કોર્ટનો કિંમતી સમય બરબાદ કર્યો છે. આ એ વાતથી સ્પષ્ટ થાય છે કે તેમણે કોર્ટની કાર્યવાહીની વીડિયો લિંક ચાહકો સાથે શૅર કરી હતી.
કોર્ટની કાર્યવાહીનો દુરુપયોગ માટે જૂહી ચાવલા પર દંડ ફટકાર્યો છે. કોર્ટે કહ્યું હતું કે અરજીકર્તાને પોતાને જાણ નથી કે તથ્યોને આધારે અરજી કરવામાં આવી છે. આ પૂરી રીતે કાયદાકીય સલાહ પર આધારિત હતી, જે માત્ર પબ્લિસિટી માટે કરવામાં આવી હતી.
