પેટ્રોલ થશેે સસ્તું, પ્રતિ લિટર 3 રૂપિયા આ રાજ્યના સરકારે ટેક્સ ઘટાડ્યો
તમિલનાડુ વિધાનસભાનું બજેટ સત્ર આજથી શરૂ થયું છે. રાજ્યના નાણામંત્રી પીટીઆર પલાનીવેલ થિયાગરાજને રાજ્યના ઇતિહાસમાં પોતાનું પ્રથમ ઇ-બજેટ રજૂ કર્યું. તમિલનાડુ સરકારે પેટ્રોલ પર ટેક્સ 3 રૂપિયા પ્રતિ લીટર ઘટાડવાની મોટી જાહેરાત કરી છે. તેના કારણે રાજ્યને દર વર્ષે 1160 કરોડ રૂપિયાનું નુકસાન થશે.
આ સિવાય બજેટમાં મહિલા સરકારી કર્મચારીઓની મેટરનિટી રજા 9 મહિનાથી વધારીને 12 મહિના કરવામાં આવી છે. 500 કરોડના ખર્ચે સેન્ટર ફોર ક્લાઇમેટ ચેન્જની સ્થાપના કરવામાં આવશે. રાજ્યના તમામ સ્વનિર્ભર જૂથોને 20,000 કરોડ રૂપિયા ક્રેડિટ તરીકે વહેંચવામાં આવશે.
નાણામંત્રીએ જણાવ્યું હતું કે, રાજ્યના તમામ 79,395 નાના ગામોમાં દરેક વ્યક્તિને દરરોજ 55 લિટર શુદ્ધ પીવાનું પાણી પૂરું પાડવાના પગલાં લેવામાં આવશે. તેમજ એક લાખથી વધુ વસ્તી ધરાવતા 27 શહેરોમાં ભૂગર્ભ ગટર યોજના અમલમાં મુકાશે.
