રાજ્યમાં ધોરણ 12 સામાન્ય પ્રવાહના પરિણામની માર્કશીટ 14મીથી શાળામાંથી મળશે

રાજ્યમાં ધોરણ-12 સામાન્ય પ્રવાહની પરીક્ષાનું પરિણામ ઓનલાઇન જાહેર કરવામાં આવ્યું હતું. હવે વિદ્યાર્થીઓને ધોરણ-12 સામાન્ય પ્રવાહની માર્કશીટ 14મીને મંગળવારે શાળામાંથી આપવામાં આવશે. ઉપરાંત જિલ્લાઓના વિતરણ કેન્દ્રો ખાતે વિદ્યાર્થીઓની માર્કશીટ 12મી, રવિવારે પહોંચતી કરવામાં આવશે.
ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ દ્વારા સોમવારે ધોરણ-12 સામાન્ય પ્રવાહનું પરિણામને ઓનલાઇન વેબસાઇટના માધ્યમથી પ્રસિદ્ધ કરવામાં આવ્યું હતું. પરિણામની માર્કશીટ પછી આપવાની વાત કરવામાં હતી. આથી નવા શૈક્ષણિક સત્રનાં પ્રારંભ સાથે એડમિશન પ્રક્રિયા શરૂ થઇ ગઇ છે. ત્યારે વિદ્યાર્થીઓને માર્કશીટ મળી રહે તે માટે શિક્ષણ બોર્ડ દ્વારા આયોજન કરાયુ હતું. આથી પરિણામની માર્કશીટ 14મીને મંગળવારના રોજ વિદ્યાર્થીઓને શાળાઓમાંથી મળી રહેશે.
મળેલી જાણકારી અનુસાર, શિક્ષણ બોર્ડ દ્વારા સમગ્ર રાજ્યના તમામ જિલ્લાની શાળાઓમાં માર્કશીટ 12મીને રવિવારે પહોંચતી કરવાનું આયોજન શિક્ષણ બોર્ડ દ્વારા કરવામાં આવ્યું છે. જેમાં શિક્ષણ બોર્ડ દ્વારા રાજ્યભરના તમામ જિલ્લાઓમાં ઉભા કરાયેલા જિલ્લા વિતરણ કેન્દ્ર ખાતે 12મી, રવિવારે ધોરણ-12 સામાન્ય પ્રવાહના વિદ્યાર્થીઓની માર્કશીટ મોકલી અપાશે. ત્યાંથી શાળાના કર્મચારીએ 13મી, સોમવારે સવારે 10થી સાંજે 4 કલાકે માર્કશીટ મેળવી લેવાની રહેશે.