કરાટે સ્પર્ધામાં જિલ્લા કક્ષાએ શ્રી અરવિંદ કેન્દ્ર & એમ.બી. પટેલ હાઇસ્કુલના વિદ્યાર્થીઓનો ઉત્કૃષ્ટ દેખાવ

વડોકાઈ કરાટે ડો ફેડરેશન ઓફ ઇન્ડિયા દ્વારા તાજેતરમાં સેક્ટર -7 ખાતે જિલ્લા કક્ષાની કરાટે સ્પર્ધાનું આયોજન કરવામાં આવ્યું હતું. જેમાં કોચ સેન્સાઈ શ્રી દર્શન સુથારના પ્રશિક્ષણ હેઠળ કરાટેની તાલીમ લીધેલા વિદ્યાર્થીઓએ 10 ગોલ્ડ મેડલ અને 14 સિલ્વર મેડલ મેળવ્યા હતા. તેમજ 17 વિદ્યાર્થીઓ કરાટે સ્પર્ધાની સેમિફાઇનલમાં પહોંચવામાં સફળ રહ્યા હતા. તે બદલ વિજેતા થનાર ખેલાડીઓને ચીફ ટેકનિકલ ડાયરેક્ટર શિહાન શ્રી અરવિંદભાઈ રાણા જિલ્લાના નિયામક શ્રી ગૌરાંગભાઈ રાણાએ વિજેતા થયેલા વિદ્યાર્થીઓ અને કોચ સેન્સાઈ શ્રી દર્શન સુથારને અભિનંદન પાઠવ્યા હતા અને વિદ્યાર્થીઓનું પ્રોત્સાહન વધાર્યું હતું.