5 બેઠકો પર 1350 મતદાન મથકો સમાવવા માટે 155 રૂટ નક્કી કરવામાં આવશે
વિધાનસભા ચૂંટણીના બીજા તબક્કા માટે 5 ડિસેમ્બરે મતદાન થવાનું છે. ત્યારે જિલ્લા ચૂંટણી પંચ દ્વારા ચૂંટણી કર્મીઓ સાથે ચૂંટણી સામગ્રી મતદાન મથકો સુધી પહોંચાડવા માટે યોગ્ય વ્યવસ્થા કરવામાં આવી છે. જેમાં જિલ્લાની પાંચ વિધાનસભા મતવિસ્તારમાં કુલ 1350 મતદાન મથકો ઉભા કરવામાં આવનાર છે.
જિલ્લાની 5 વિધાનસભા બેઠકોના 1350 મતદાન મથકો પર સ્ટાફ અને ચૂંટણી સામગ્રી પહોંચાડવા માટે એસટી બસો દોડાવવામાં આવશે. જોકે જિલ્લા ચૂંટણી પંચ દ્વારા કુલ 155 ઝોનલ રૂટ નક્કી કરવામાં આવ્યા છે. જેના માટે જીપીએસ સિસ્ટમવાળી 155 એસટી બસનો ઉપયોગ કરવામાં આવ્યો છે.
જ્યારે 5 વિધાનસભાના કુલ 50 ઉમેદવારોનું ભાવિ જિલ્લાના 1325604 ઉમેદવારોના હાથમાં છે. આ પછી આગામી તારીખ 4 ડિસેમ્બર, રવિવારના રોજ કર્મચારીઓને ચૂંટણીની સામગ્રી સાથે મતદાન મથકો પર મોકલવામાં આવશે. જેના માટે ચૂંટણી પંચ દ્વારા એસટી બસનો ઉપયોગ કરવામાં આવી રહ્યો છે.આ માટે કુલ 155 ઝોનલ રૂટ નક્કી કરવામાં આવ્યા છે. જ્યારે દરેક રૂટમાં દસ મતદાન મથકોનો સમાવેશ કરવામાં આવ્યો છે. આથી તમામ મતદાન મથકોને આવરી લેવા માટે 135 એસ બસોનો ઉપયોગ કરવામાં આવશે.
જિલ્લાની પાંચ બેઠકોમાં દહેગામમાં 255, ગાંધીનગર દક્ષિણમાં 351, ગાંધીનગર ઉત્તરમાં 242, માણસામાં 265 અને કલોલમાં 237 મતદાન મથકો ઉભા કરવામાં આવ્યા છે. આ મતદાન મથકોને ધ્યાનમાં રાખીને ઝોનલ રૂટ નક્કી કરવામાં આવ્યા છે.જેમાં દહેગામ બેઠક માટે 31, ગાંધીનગર ઉત્તર બેઠક માટે 39, ગાંધીનગર દક્ષિણ બેઠક માટે 39, માણસા બેઠક માટે 29 અને કલોલ બેઠક માટે 30 મળી કુલ 26 રૂટનો સમાવેશ કરવામાં આવ્યો છે. જો કે, ઝોનલ રૂટ મુજબ, જીપીએસ સિસ્ટમથી સજ્જ 155 એસટી બસોનો ઉપયોગ ચૂંટણી કામગીરીમાં રોકાયેલા સ્ટાફને અને ચૂંટણી સંબંધિત સાહિત્યને મતદાન મથકો સુધી પહોંચાડવા માટે કરવામાં આવશે તેમ જિલ્લા ચૂંટણી પંચે જણાવ્યું છે.
