દેશની બીજી સૌથી પ્રદૂષિત નદી સાબરમતી નદી, તેનું પાણી પીવા લાયક નથીઃ કોંગ્રેસ

ગુજરાતમાં વિપક્ષના નેતાઓ દ્વારા સરકાર પર ગંભીર આક્ષેપો કરવામાં આવ્યા છે. કોંગ્રેસના પ્રવક્તા ડો. મનીષ દોશીએ જણાવ્યું હતું કે, બાયો-કેમિકલ ઓક્સિજન માંગ સ્તરમાં સાબરમતી નદી બીજા ક્રમે છે. એટલે કે તે ખૂબ જ ખતરનાક છે અને તેનું પાણી પીવા માટે યોગ્ય નથી. પાણીના પ્રદૂષણને કારણે મોટી સંખ્યામાં લોકો બીમાર પડી રહ્યા છે. સાબરમતી અને અન્ય નદીઓને પ્રદૂષિત કરવા માટે જવાબદારો સામે સરકારે તાત્કાલિક પગલાં લેવા જોઈએ.સેન્ટ્રલ પોલ્યુશન કંટ્રોલ બોર્ડે નવેમ્બર 2022માં દેશની સૌથી પ્રદૂષિત નદીઓની સ્થિતિ અંગેનો અહેવાલ પ્રકાશિત કર્યો હતો. આ નદીઓની વિગતો 2 ફેબ્રુઆરીએ લોકસભામાં એક પ્રશ્ન દરમિયાન આપવામાં આવી હતી. જેમાં ગુજરાતની સાબરમતી સહિત 13 નદીઓનો ઉલ્લેખ કરવામાં આવ્યો છે. આ નદીઓ રાજ્યમાં સૌથી વધુ પ્રદૂષિત છે. આ નદીઓના અહેવાલ અંગે

આમ આદમી પાર્ટીના પ્રદેશ અધ્યક્ષ યેસુદાન ગઢવીએ જણાવ્યું કે CPCBનો રિપોર્ટ આવી ગયો છે. આ રિપોર્ટમાં ગુજરાતની સાબરમતી નદી સૌથી પ્રદૂષિત નદીઓમાં બીજા ક્રમે છે. રાજ્યની 12 નદીઓ પણ પ્રદૂષિત નદીઓની યાદીમાં છે. જે શરમજનક બાબત છે. હું ભાજપ સરકારને કહેવા માંગુ છું કે તમે આ નદીઓને સાફ કરવા માટે શું પગલાં લેવા જઈ રહ્યા છો. તમે ક્યારે સાફ કરશો અને કેવી રીતે સાફ કરશો?
અમદાવાદના મેયર કિરીટ પરમારે જણાવ્યું હતું કે AMC દ્વારા ટ્રીટેડ પાણી છોડવામાં આવે છે. પરંતુ ક્યાંક એવી જગ્યા હશે પરંતુ શહેરની બહાર કનેકશન હશે જ્યાં કેમિકલયુક્ત પાણીનો નિકાલ થશે. આ માટે અમદાવાદ કોર્પોરેશન અને ગુજરાત સરકાર સંયુક્ત રીતે પગલાં લેશે.