દહેગામ- નરોડા રોડ પર રાયપુર કેનાલમાં એક દંપતીએ બે બાળકો સાથે ઝંપલાવ્યું, મહિલાનો બચાવ

આજકાલ સામૂહિક આપઘાતના કેસોમાં ભારે વધારો જોવા મળી રહ્યો છે. હાલ સૂત્રો તરફથી મળતી માહિતી અનુસાર દહેગામ નરોડા રોડ પર આવેલ રાયપુર કેનાલમાં એક જ પરિવારના ચાર લોકોએ બાઈક સાથે ઝંપલાવી આપઘાતનો પ્રયાસ કર્યો છે. મળેલી જાણકારી અનુસાર એક દંપતીએ બે બાળકો સાથે કેનાલમાં ઝંપલાવ્યું છે જેમાં મહિલાનો સ્થાનિક લોકોના સહયોગથી બચાવ કરવામાં આવ્યો છે અને પિતા તથા બે બાળકોની શોધખોળ હાલ ચાલી રહી છે. આ ઘટના દહેગામ નરોડા રોડ પર આવેલ રાયપુર કેનાલ પર ઘટી છે. આ આપઘાત માટે ઝંપલાનાર પરિવાર ગાંધીનગર જિલ્લાના વાસણા ચૌધરી ગામનો હોવાનો સૂત્રો તરફથી માહિતી મળી છે. ઘટનાની જાણ થતાં ડભોડા પોલીસ અને ફાયર બ્રિગેડ ની ટીમ પહોંચી ગઈ છે અને શોધખોળ હાથ ધરાઇ રહી છે. હાલ આ આપઘાત પાછળનું કારણ જાણવા મળ્યું નથી..