ગરમી વધતા ઃ લીંબુના ભાવમાં ભડકો, ભાવ ૨૦૦ રૂપિયા પ્રતિ કિલોને પાર પહોંચ્યા
ઉનાળો શરૂ થતાં જ ફરી એકવાર લીંબુના ભાવમાં ભડકો થયો છે. જથ્થાબંધ બજારમાં લીંબુનો ભાવ ૧૧૦ રૂપિયા પ્રતિ કિલોને પાર પહોંચી ગયો છે. ત્યારે અમદાવાદના છૂટક બજારમાં લોકોને એક કિલો લીંબુ માટે ૨૦૦ રૂપિયાથી વધુ ખર્ચ કરવો પડે છે. જ્યારે કિરાણા સેવા એપ પર તે ૧૯૦ રૂપિયા પ્રતિ કિલોના ભાવે વેચાઈ રહી છે. આવી Âસ્થતિમાં એવું કહેવામાં આવી રહ્યું છે કે જેમ જેમ ગરમી વધશે તેમ તેની કિંમત વધી શકે છે.
અહેવાલ મુજબ એગ્રીકલ્ચર પ્રોડ્યુસ માર્કેટ કમિટીનું કહેવું છે કે છૂટક બજારમાં એક કિલો લીંબુની કિંમત ૨૦૦-૨૨૫ રૂપિયા છે. આવી Âસ્થતિમાં તેનું વેચાણ ઘટ્યું છે. લોકો હવે લીંબુને વજનથી નહીં પણ ગણતરીથી ખરીદી રહ્યા છે. સાથે જ વેપારીઓનું કહેવું છે કે વધતી ગરમીના કારણે લીંબુની માગમાં વધારો થયો છે. જેના કારણે બજારમાં પુરવઠા પર અસર પડી હતી. આ જ કારણ છે કે ભાવમાં વધારો થયો છે. એ જ રીતે એપીએમસીનું કહેવું છે કે ગુજરાત લીંબુ માટે કર્ણાટક પર નિર્ભર છે. આવી Âસ્થતિમાં ઓછા આવવાને કારણે દર આપોઆપ વધી રહ્યો છે.
એપીએમસીના પ્રભારીના જણાવ્યા અનુસાર, ગુજરાતમાં માગના માત્ર ૫ ટકા જ ઉત્પાદન થાય છે. બાકીનો ૯૫ ટકા માલ કર્ણાટકમાંથી આવે છે. તેમના મતે આ મહિનાના અંત સુધીમાં લીંબુનો નવો પાક બજારમાં આવી જશે. આવી Âસ્થતિમાં જથ્થાબંધ બજારમાં ભાવમાં થોડો ઘટાડો થઈ શકે છે, જેની અસર છૂટક બજારમાં પણ જાવા મળી શકે છે.
લીંબુના વધતા ભાવની અસર રેસ્ટોરન્ટમાં દેખાવા લાગી છે. સલાડની પ્લેટમાંથી લીંબુ ગાયબ થઈ ગયું છે. તે જ સમયે, ઘણા ઘરોમાં, મસાલેદાર સોફ્ટ ડ્રિંક્સ દ્વારા લીંબુની જગ્યા લેવામાં આવી છે. જાકે, એપીએમસીના અધિકારીનું કહેવું છે કે શુક્રવારે લીંબુના ભાવમાં થોડો ઘટાડો થયો હતો. આ પછી જથ્થાબંધ બજારમાં લીંબુનો ભાવ ૯૦ રૂપિયા પ્રતિ કિલો થઈ ગયો હતો. તેમણે આશા વ્યક્ત કરી છે કે આ મહિનાના અંત સુધીમાં લીંબુનો ભાવ ૫૦ રૂપિયા પ્રતિ કિલોની આસપાસ પહોંચી શકે છે.
અમદાવાદના લોકો દરરોજ લગભગ ૪૦ ટન લીંબુ ખાય છે. પરંતુ ભાવ વધારાને કારણે વપરાશમાં ૨૦ ટકાનો ઘટાડો નોંધાયો છે. સેટેલાઇટ અને વ†ાપુર જેવા વિસ્તારોમાં મોટા કદના લીંબુનો ભાવ પ્રતિ કિલો રૂ. ૨૨૫ છે જ્યારે નાનાનો ભાવ રૂ. ૧૮૦-૨૦૦ પ્રતિ કિલો છે. આ સાથે વેપારીઓનું પણ કહેવું છે કે કમોસમી વરસાદના કારણે બજારોમાં ફળો અને લીલા શાકભાજીના પુરવઠામાં ઘટાડો થયો છે. આના કરતા લીંબુ મોંઘુ થઈ ગયું છે.
