પ્રીમિયર સ્કૂલ લીગ બેડમિન્ટન ટુર્નામેન્ટ ૨૦૨૩માં વેદ ઇન્ટરનેશનલ સ્કૂલન ૨ વિદ્યાર્થીઓ વિજેતા થયા

ગાંધીનગર :

ગાંધીનગરના સરગાસણ ખાતે આવેલી વેદ ઇન્ટરનેશનલ સ્કૂલ દ્વારા વિદ્યાર્થીઓના સર્વાંગી વિકાસ માટે અવિરત પ્રયાસો સતત કરવામાં આવી રહ્યા છે અને વિદ્યાર્થીઓને શિક્ષણના તમામ પાસા ઉપર પ્રોત્સાહિત કરવામાં આવી રહ્યા છે. ત્યારે આવા જ એક પ્રયાસના ભાગરૂપ સમગ્ર ગુજરાતમાં અમદાવાદ શહેરમાં  ઇકા ક્લબ ખાતે ચાલી રહેલ બેડમિન્ટન સ્પર્ધામાં વેદ ઇન્ટરનેશનલ સ્કૂલ સરગાસણ ગાંધીનગર ના કુલ ૧૪ વિદ્યાર્થીઓએ ઉત્સાહભેર  ભાગ લીધો હતો. જેમાં, અન્ડર 15 બોયઝ ડબલમાં ધોરણ 8 માં અભ્યાસ કરતા શ્રી શૌર્ય મકવાણા અને શ્રી જયમિત કાબરાએ તૃતીય સ્થાન મેળવી  તેમનાં પરિવાર અને શાળાનું ગૌરવ વધાર્યું હતું. આ બેડમિન્ટનની રમત સ્પર્ધામાં વિજેતા થવા બદલ વેદ ઇન્ટરનેશનલ પરિવાર દ્વારા આ કાર્યને સફળ બનાવનાર બન્ને વિજેતા વિદ્યાર્થીઓ અને સર્વ સહાયકોનો હૃદય પૂર્વક ખૂબ ખૂબ આભાર માન્યો હતો અને વિદ્યાર્થીઓ આ ક્ષેત્રમાં અનેક નવી સિધ્ધિઓ હાંસલ કરે તેવી આશા વ્યક્ત કરેલ હતી.