સ્વામી વિવેકાનંદ યુવક મંડળ & ઉમ્મિદ ફાઉન્ડેશનના સૌજન્યથી બહેનોને જીવન વિમા પોલીસી અપાઈ

સ્વામી વિવેકાનંદ યુવક મંડળ અને ઉમ્મિદ ફાઉન્ડેશન ના સૌજન્યથી આજ રોજ શહેરના યુવાનના જન્મદિવસ નિમિત્તે જન શિક્ષણ સંસ્થાન ગાંધીનગરના ૫૦ જેટલા બહેનોને પ્રધાનમંત્રી સુરક્ષા વિમા યોજના અંતર્ગત ₹૨,૫૦,૦૦૦/- નો જીવન વીમો ઉતારી આપી વિમા પોલીસી સર્ટિફિકેટ સુપરત કરવામા આવ્યું. આઝાદીના અમૃતકાળમાં મહિલાઓના સ્વાસ્થ્ય તથા જીવન સુરક્ષા જેવા વિષયો ઉપર આવનાર સમયમાં અનેક કાર્યક્રમો આયોજીત કરવામાં આવશે. તથા ઉમ્મીદ ફાઉન્ડેશન દ્વારા “પ્રોજેક્ટ નચિકેતા” હેઠળ યુવાઓમાં નશીલા પદાર્થોથી દૂર રહી રાષ્ટ્રસેવામાં નિસ્વાર્થપણે જોડાવા પ્રેરિત કરવામાં આવશે.