આજરોજ મહાનગરપાલિકા દ્વારા સફાઈ શ્રમદાન કાર્યક્રમનું આયોજન
પ્રધાનમંત્રી નરેન્દ્રભાઈ મોદીએ કરેલા રાજ્ય, શહેર અને ગામની સફાઇ માટે સ્વચ્છતાના આહ્વાનને દેશના નાગરિકોએ જન આંદોલનનું સ્વરૂપ આપી સ્વચ્છ ભારતના નિર્માણ તરફ પ્રયાણ કર્યુ છે.આ સ્વચ્છતા હી સેવા અભિયાનના ભાગ રૂપે રાજ્યમાં આગામી બે મહિના સુધી જુદી-જુદી ૧૮ થીમ આધારિત સ્વચ્છતા કાર્યક્રમો યોજવાના છે.
આ આયોજન સંદર્ભે તા.૧૫ ઓક્ટોબર,રવિવારનાં રોજ મહાનગર પાલિકા દ્વારા સેક્ટર-૬ સીટી બસ સ્ટેન્ડ, સેક્ટર-૧૧ પથિકાશ્રમ બસ ડેપો, રેલ્વે સ્ટેશન તથા અન્ય તમામ વોર્ડમાં આવેલ પીક અપ સ્ટેન્ડની સફાઈનાં કાર્યક્રમ દ્વારા સવારે ૦૯:૦૦ કલાકે, જન જાગૃતિ સાથે સાથે વધુમાં વધુ લોકો આ સ્વચ્છતા અભિયાનમાં જોડાય તે માટે સફાઈ શ્રમદાન કાર્યક્રમનું આયોજન કરાયું છે.
