રાજ્યની શાળાઓમાં 21 દિવસનું રહેશે દિવાળી વેકેશન, બાળકોમાં આનંદો

દિવાળીને હવે ગણતરીના દિવસો જ બાકી રહ્યા છે ત્યારે રાજ્યના શિક્ષણ વિભાગે શાળાઓમાં દિવાળી વેકેશનની જાહેરાત કરી દીધી છે. રાજ્યની વિવિધ શાળાઓમાં આ વખતે દિવાળી વેકેશન 21 દિવસનું રહેશે. બાળકોમાં આ જાહેરાત થતાં જ આનંદો ફેલાયો છે અને અવનવા પ્રવાસનું પણ આયોજન ગોઠવાય ગયું હસે. શાળાઓમાં 9 નવેમ્બરથી 29 નવેમ્બર સુધી દિવાળી વેકેશન જાહેર કરવામાં આવ્યું છે. શિક્ષણ વિભાગ દ્વારા નિયત કરાયેલ શૈક્ષણિક કેલેન્ડર પ્રમાણે દિવાળી વેકેશન 9 થી 29 નવેમ્બર એટલે કે 21 દિવસનું રહેશે. રાજ્ય વેકેશન બાબતે પ્રાથમિક શિક્ષણ વિભાગ દ્વારા જિલ્લા શિક્ષણ વિભાગને પણ આ મુદે પરિપત્ર આપીને જાણ કરી કરવામાં આવી છે.