ગોધરા-દાહોદ હાઇવે પર ઉભેલી બસને અન્ય બસે ટક્કર મારતા 4 મુસાફરોના કરુણ મોત

રાજ્યના ગોધરા-દાહોદ હાઇવે ઉપર એક બસે અન્ય બસને ટક્કર મારતા આ અકસ્માત સર્જાયો છે. બસમાં સવાર 4 મુસાફરોના મોત નિપજયા છે. અમદાવાદથી ઇન્દોર જતી બસમાં ટેક્નિકલ ખામી સર્જાતા હાઇવે ઉપર જ પાર્ક કરી કામગીરી કરાઈ રહી હતી. તે સમયે અચાનક અન્ય ખાનગી બસના ચાલકે ઊભેલી બસને ટક્કર મારી હતી.

જેમાં હાલ મળતી માહિતી અનુસાર 4 મુસાફરોના મોત નિપજયા છે. આ અકસ્માતની ઘટનાના પગલે DySP સહિતનો પોલીસ કાફલો ઘટનાસ્થળે પહોંચ્યો હતો. તેમજ ઇજાગ્રસ્તોને ગોધરા સિવિલ હોસ્પિટલમાં ખસેડવામાં આવ્યા છે. પોલીસે સમગ્ર મામલાને લઈ કાર્યવાહી હાથ ધરી છે