વડાપ્રધાન મોદી આજે કોલકતામાં દેશની પ્રથમ અંડરવોટર મેટ્રોનું ઉદ્ઘાટન કરશે

વડાપ્રધાન નરેન્દ્ર મોદી આજે કોલકતામાં દેશની પ્રથમ અંડરવોટર મેટ્રોનું ઉદ્ઘાટન કરશે. પશ્ચિમ બંગાળ પહોંચ્યા બાદ પીએમ મોદી એક કાર્યક્રમમાં આ અત્યાધુનિક મેટ્રો રેલ સેવા દેશવાસીઓને સમર્પિત કરશે. કોલકતાની અંડરવોટર મેટ્રો હુગલી નદીની નીચે બનાવવામાં આવી છે. થોડા દિવસો પહેલા રેલ્વે મંત્રી અશ્વિની વૈષ્ણવે કોલકતા મેટ્રો રેલ સેવાઓની સમીક્ષા કરી હતી. વડાપ્રધાન બુધવારે યાત્રીઓ માટે સંપૂર્ણ રીતે તૈયાર અંડરવોટર મેટ્રો રેલ દેશને સમર્પિત કરશે.