અરવિંદ કેજરીવાલ આજથી ચૂંટણી પ્રચારની કમાન સંભાળશે

 જેલમાંથી બહાર આવતાની સાથે જ AAPના રાષ્ટ્રીય સંયોજક અને દિલ્હીના સીએમ અરવિંદ કેજરીવાલે તેમના કાર્યકરોમાં પ્રાણ ફૂંક્યા છે. કેજરીવાલે કહ્યું કે, ‘મને ચૂંટણીમાં પ્રચાર કરવાની તક મળી છે. હું દેશવાસીઓનો આભાર માનું છું.’

કેજરીવાલે કહ્યું કે, ‘આપણો દેશ ચાર હજાર વર્ષ જૂનો છે, પરંતુ સરમુખત્યારશાહીના સમયગાળામાંથી પસાર થઈ રહ્યો છે. આપણો દેશ મહાન દેશ છે. પરંતુ જ્યારે પણ કોઈએ આ દેશ પર સરમુખત્યારશાહી લાદવાનો પ્રયાસ કર્યો, ત્યારે લોકોએ તેને ક્યારેય સહન કર્યું નહીં. હું તન મન અને ધનથી તેની સામે લડી રહ્યો છું. દેશના 140 કરોડ લોકોએ સાથે મળીને આ તાનાશાહીને હરાવવાની છે.’વધુમાં જણાવ્યું કે, ‘શનિવારે દક્ષિણ દિલ્હીમાં આમ આદમી પાર્ટીનો રોડ શો છે. હું એ રોડ શોમાં ભાગ લઈશ. મારી સાથે પંજાબના સીએમ ભગવંત માન પણ હાજર રહેશે.