હોળીમાં મોંઘવારીનો માહોલ, પેટ્રોલ અને ડીઝલના ભાવમાં ભારે વધારો

દિલ્હીથી લઈને ચેન્નાઈ સુધીના શહેરોમાં પેટ્રોલ અને ડીઝલના ભાવમાં પ્રતિ લિટર 4 પૈસાથી લઈને 1 રૂપિયા સુધીનો વધારો થયો છે. ખાસ કરીને કોલકાતામાં સૌથી વધુ ભાવવધારો જોવા મળ્યો છે. જોકે, મુંબઈમાં પેટ્રોલ અને ડીઝલના ભાવમાં નજીવી રાહત મળી છે. આ સિવાય, બેંગલુરુ, ચંદીગઢ અને ગુરુગ્રામમાં પણ પેટ્રોલ અને ડીઝલના ભાવમાં વધારો નોંધાયો છે. આ શહેરોમાં પ્રતિ લિટર 5 થી 6 પૈસાનો વધારો થયો છે. જેના કારણે બેંગલુરુમાં પેટ્રોલનો ભાવ 102.92 રૂપિયા અને ડીઝલનો ભાવ 88.99 રૂપિયા પ્રતિ લિટર થઈ ગયો છે. ચંદીગઢમાં પેટ્રોલનો ભાવ 94.30 રૂપિયા અને ડીઝલનો ભાવ 82.45 રૂપિયા પ્રતિ લિટર થયો છે, જ્યારે ગુરુગ્રામમાં પેટ્રોલનો ભાવ 95.25 રૂપિયા અને ડીઝલનો ભાવ 88.10 રૂપિયા પ્રતિ લિટર થયો છે. લખનૌ અને નોઈડામાં પણ પેટ્રોલ અને ડીઝલના ભાવમાં 4 થી 5 પૈસાનો વધારો થયો છે. આંતરરાષ્ટ્રીય બજારમાં ક્રૂડ ઓઈલના ભાવમાં થોડો ઘટાડો જોવા મળી રહ્યો છે. ગલ્ફ દેશોમાંથી આવતા ક્રૂડ ઓઈલનો ભાવ 70 ડોલર પ્રતિ બેરલની આસપાસ છે, જ્યારે અમેરિકન તેલનો ભાવ 67 ડોલર પ્રતિ બેરલને વટાવી ગયો છે.