વિસાવદરમાં ‘આપ’નો શક્તિ પ્રદર્શન: ગોપાલ ઇટાલિયાની જન આશીર્વાદ યાત્રા

વિસાવદર: ગુજરાત વિધાનસભા પેટાચૂંટણીના માહોલ વચ્ચે, વિસાવદર વિધાનસભા બેઠકના ‘આમ આદમી પાર્ટી’ (AAP) ના ઉમેદવાર ગોપાલ ઇટાલિયાની જન આશીર્વાદ યાત્રા યોજાઈ હતી, જેમાં દિલ્હીના મુખ્યમંત્રી અરવિંદ કેજરીવાલ અને પંજાબના મુખ્યમંત્રી ભગવંત માને હાજરી આપી હતી. આ યાત્રા AAP માટે શક્તિ પ્રદર્શન સમાન બની રહી.

જનસભાને સંબોધતા અરવિંદ કેજરીવાલે ભાજપને સીધો પડકાર ફેંક્યો હતો કે, “ગોપાલને ખરીદીને બતાવો, હું રાજકારણ છોડી દઈશ.” તેમણે કોંગ્રેસને પણ આડેહાથ લેતા કહ્યું કે, “કોંગ્રેસ તો ભાજપની નોકરી કરે છે.”

ગોપાલ ઇટાલિયાએ પોતાના સંબોધનમાં ભાજપના ભ્રષ્ટાચાર પર પ્રહાર કરતા જણાવ્યું કે, “ભાજપના ભ્રષ્ટાચારના પાટા હલાવવાના છે.” જ્યારે પંજાબના મુખ્યમંત્રી ભગવંત માને ભાજપ પર નિશાન સાધતા કહ્યું કે, “ભાજપે ફેલાવેલી ગંદકીને સાફ કરવા વિસાવદરમાં ઝાડું ચલાવવું પડશે.” આ નેતાઓના આકરા પ્રહારોથી વિસાવદરનું રાજકીય વાતાવરણ ગરમાયું છે.