વર્લ્ડ બેંકના નવા ધોરણ મુજબ ભારતમાં અત્યંત ગરીબીમાં નોંધપાત્ર ઘટાડો

નવી દિલ્હી: વર્લ્ડ બેંકે તેની ગરીબી રેખાની મર્યાદા $૨.૧૫ પ્રતિ દિવસથી વધારીને $૩ પ્રતિ દિવસ કરી છે. આ નવા ધોરણ મુજબ, ભારતમાં અત્યંત ગરીબીના દરમાં ધરખમ ઘટાડો જોવા મળ્યો છે. વર્લ્ડ બેંકના તાજા ડેટા અનુસાર, ૨૦૧૧-૧૨માં ૨૭.૧% નો અત્યંત ગરીબી દર ૨૦૨૨-૨૩માં ઘટીને માત્ર ૫.૩% થયો છે. આનો અર્થ એ થયો કે અત્યંત ગરીબીમાં જીવતી વસ્તી ૩૪૪.૪૭ મિલિયનથી ઘટીને ૭૫.૨૪ મિલિયન થઈ ગઈ છે.

વર્લ્ડ બેંકના ગરીબી અને સમાનતા સંબંધિત સંક્ષિપ્ત વિવરણ (PEB) અનુસાર, ગ્રામીણ વિસ્તારોમાં અત્યંત ગરીબી ૨૦૧૧-૧૨માં ૧૮.૪% થી ઘટીને ૨૦૨૨-૨૩માં ૨.૮% થઈ છે, જ્યારે શહેરી વિસ્તારોમાં તે ૧૦.૭% થી ઘટીને ૧.૧% થઈ છે. ગ્રામીણ અને શહેરી ગરીબી વચ્ચેનો તફાવત ૭.૭% થી ઘટીને ૧.૭% રહ્યો છે. રિપોર્ટ દર્શાવે છે કે ૨૦૧૧-૧૨ અને ૨૦૨૨-૨૩ વચ્ચે વાર્ષિક ઘટાડાનો દર ૧૬% રહ્યો છે. આ ઘટાડો રોજગાર વૃદ્ધિ અને નિમ્ન-મધ્યમ આવક સ્તરે ગરીબી ઘટાડવાથી મળેલા નોંધપાત્ર લાભને આભારી છે, જે ગ્રામીણ અને શહેરી બંને ક્ષેત્રોમાં જોવા મળ્યો છે.