માધવગઢ ગ્રામ પંચાયત પેટાચૂંટણીનું મતદાન શાંતિપૂર્ણ સંપન્ન
ગાંધીનગર: માધવગઢ ગ્રામ પંચાયતમાં સરપંચ પદ માટેની પેટાચૂંટણીનું મતદાન રવિવારે શાંતિપૂર્ણ માહોલમાં સંપન્ન થયું. ગ્રામજનોના સક્રિય સાથ અને સહકારથી લોકશાહીનો આ પર્વ કોઈ અનિચ્છનીય બનાવ વિના પાર પડ્યો હતો. ગામના લોકોએ મોટી સંખ્યામાં મતદાન કરીને ઉત્સાહભેર પોતાની ફરજ અદા કરી. આ ચૂંટણીમાં ચાર મહિલા ઉમેદવારો મેદાનમાં હતા: અરુણાબેન ગુલાબજી રાઠોડ, અસ્મિતાબેન સંજયજી ચૌહાણ, ગીતાબેન સતીશભાઈ ચૌધરી અને પુંજીબેન રામાજી મકવાણા (ઠાકોર). ચૂંટણી અધિકારી દ્વારા ૧૧ જૂન, ૨૦૨૫ના રોજ આ અંગેનું જાહેરનામું બહાર પાડવામાં આવ્યું હતું. દરેક ઉમેદવારે જોરશોરથી પ્રચાર કર્યો હતો અને અંતે જનતાનો આભાર માન્યો હતો. રાજ્યભરની ગ્રામ પંચાયત ચૂંટણીઓમાં પણ આજે મતદાનનો માહોલ જોવા મળ્યો. હવે, આ ચાર સરપંચ ઉમેદવારોનું ભવિષ્ય મતદાન પેટીમાં કેદ થયું છે, જેના પરિણામો ૨૫ જૂને જાહેર થશે.
