બુમરાહે રચ્યો ઇતિહાસ: SENA દેશોમાં ૧૫૦ ટેસ્ટ વિકેટ લેનાર પ્રથમ એશિયન બોલર

ક્રિકેટ: ભારતીય ટીમે ઇંગ્લેન્ડ સામેની પ્રથમ ટેસ્ટ મેચની પહેલી ઇનિંગમાં ૬ રનની નજીવી લીડ મેળવી છે, જેમાં જસપ્રીત બુમરાહનું પ્રદર્શન શાનદાર રહ્યું હતું. બુમરાહે ઇંગ્લેન્ડ સામેની પ્રથમ ઇનિંગમાં ૮૩ રન આપીને ૫ વિકેટ ઝડપી, જેમાં તેણે ૫ મેડન ઓવર પણ ફેંકી. આ પાંચ વિકેટ સાથે, જસપ્રીત બુમરાહે એક મોટો ઇતિહાસ રચ્યો છે. તે ટેસ્ટ ફોર્મેટમાં SENA (સાઉથ આફ્રિકા, ઇંગ્લેન્ડ, ન્યુઝીલેન્ડ અને ઓસ્ટ્રેલિયા) દેશોમાં ૧૫૦ વિકેટ લેનાર પ્રથમ એશિયન બોલર બન્યો છે. અત્યાર સુધી કોઈ અન્ય એશિયન બોલરે આ સિદ્ધિ મેળવી નહોતી, જે તેની વૈશ્વિક કક્ષાની બોલિંગ ક્ષમતા દર્શાવે છે. બુમરાહનું આ પ્રદર્શન ટીમ ઇન્ડિયા માટે મહત્વપૂર્ણ સાબિત થયું છે.