જિલ્લાના હેડ કોન્સ્બટેબલ ભગવાનભાઈને રાષ્ટ્રપતિ ચંદ્રક

ગાંધીનગર, રવિવાર
સ્વતંત્રતા દિવસની પૂર્વ સંધ્યાને રાષ્ટ્રપતિ પ્રણવ મુખર્જીએ ગુજરાત પોલીસના બે અધિકારીઓને વિશિષ્ટ સેવા મેડલ અને ૧૭ અધિકારી જવાનોને પ્રસંશનીય સેવા મેડલ અર્પણ કર્યા છે ત્યારે ગાંધીનગર જિલ્લા પોલીસ વડાની કચેરી ખાતે એલઆઈબીમાં ફરજ બજાવતાં હેડકોન્સ્ટેબલ ભગવાનભાઈ પરમારને પ્રસંશનીય સેવા મેડલ મળ્યો છે. ગાંધીનગર જિલ્લાં તેમજ શહેરમાં કાયદો અને વ્યવસ્થાની સ્થિતિ માટે વાયબ્રન્ટ સમિટથી લઈ તમામ મોટા કાર્યક્રમોમાં પોલીસ બંદોબસ્ત ગોઠવવાની કામગીરી તેઓ સંભાળતા આવ્યા છે. ત્યારે જિલ્લાના આ પોલીસ જવાનને રાષ્ટ્રપતિ ચંદ્રક મળતાં જિલ્લા પોલીસ વડા સહિત તમામ પોલીસ અધિકારી, જવાનોએ તેમને શુભેચ્છા પાઠવી હતી.