ગાંધીનગરમાં સે.૭ ના પોલીસ કર્મચારીનું હાર્ટ એટેકથી નિધન

ગાંધીનગર :
સેક્ટર-7 પોલીસ સ્ટેશનમાં ફરજ બજાવતા એક પોલીસ કર્મચારીનું હાર્ટ એટેકથી દુઃખદ નિધન થયું છે. મળતી માહિતી મુજબ, વિક્રમસિંહ જગતસિંહ રાઠોડ (ઉંમર 51), મૂળ દોરાણા વાસણા ગામના રહેવાસી હતા અને છેલ્લા 4 વર્ષથી સેક્ટર-7 પોલીસ સ્ટેશનમાં ફરજ બજાવી રહ્યા હતા. તેમને ઘરે જ અચાનક હાર્ટ એટેક આવ્યો હતો. ત્યારબાદ તાત્કાલિક હોસ્પિટલ લઈ જવામાં આવ્યા હતા, પરંતુ હોસ્પિટલ પહોંચતા જ તેમને મૃત જાહેર કરવામાં આવ્યા હતા. પરિવારમાં પત્ની અને ત્રણ સંતાનો (બે દીકરી અને એક દીકરો) છે. આ ઘટનાથી પરિવાર તેમજ પોલીસ વિભાગમાં શોકની લાગણી ફેલાઈ ગઈ છે.