ધુરંધર 2ની કમાણી 330 કરોડને પાર પહોંચી! રણવીર સિંહની ઉજવણી

બોક્સ ઓફિસ પર રણવીર સિંહની ફિલ્મ ‘ધુરંધર 2′ એ રિલીઝ થતાની સાથે જ ધમાલ મચાવી દીધી છે. આ ફિલ્મની લોકપ્રિયતાનો અંદાજ એ વાત પરથી લગાવી શકાય છે કે ગણતરીની કલાકોમાં જ ફિલ્મે વર્લ્ડવાઈડ આશરે 330 કરોડ રૂપિયાની કમાણી કરી લીધી છે. ફિલ્મની આ શાનદાર સફળતાને પગલે રણવીર સિંહ અત્યારે ભારે ઉત્સાહમાં છે અને જીતની ઉજવણી કરી રહ્યો છે. રણવીરની આ ખુશી જોઈને તેના ચાહકો પણ સોશિયલ મીડિયા પર તેને અભિનંદન આપી રહ્યા છે.

બીજી તરફ, ફેન્સની નજર રણવીરની પત્ની અને અભિનેત્રી દીપિકા પાદુકોણ પર ટકેલી હતી. રસપ્રદ વાત એ છે કે દીપિકાએ અત્યાર સુધી સોશિયલ મીડિયા પર ફિલ્મની સફળતા અંગે કોઈ સત્તાવાર નિવેદન આપ્યું નથી. જોકે, તે તાજેતરમાં મુંબઈમાં જાણીતા સિતાર વાદક રિષભ રખીરામ શર્માના મ્યુઝિક કોન્સર્ટમાં જોવા મળી હતી. આ કાર્યક્રમમાં દીપિકા તેની નણંદ રિતિકા ભવનાની અને સાસુ અંજુ ભવનાની સાથે ક્વોલિટી ટાઈમ વિતાવતી અને મ્યુઝિકનો આનંદ લેતી જોવા મળી હતી. કોન્સર્ટ દરમિયાન દીપિકાના ચહેરા પર એક અલગ જ રોનક અને ખુશી જોવા મળી હતી. ભલે તેણે ફિલ્મ વિશે જાહેરમાં કશું ન કહ્યું હોય, પરંતુ તેની બોડી લેંગ્વેજ અને આનંદ જોઈને ફેન્સ અનુમાન લગાવી રહ્યા છે કે તેને તેના પતિની આ મોટી સફળતા પર ગર્વ છે. રણવીર સિંહની ફિલ્મની આ રફ્તાર જોતા આગામી દિવસોમાં કમાણીના નવા આંકડા સર્જાય તેવી પૂરેપૂરી શક્યતા છે.