GMERS મેડિકલ કોલેજ, ગાંધીનગર ખાતે ‘માનસિક આરોગ્ય જાગૃતિ’ કાર્યક્રમ યોજાયો

ગાંધીનગર, ૨૩ એપ્રિલ ૨૦૨૬: આજે GMERS મેડિકલ કોલેજ અને હોસ્પિટલ, ગાંધીનગર ખાતે માનસિક આરોગ્ય જાગૃતિ માટે એક વિશેષ કાર્યક્રમનું આયોજન કરવામાં આવ્યું હતું. આજના આધુનિક અને તણાવપૂર્ણ યુગમાં માનસિક સ્વાસ્થ્ય પ્રત્યે જાગૃતિ લાવવાના ઉમદા હેતુ સાથે આયોજિત આ કાર્યક્રમમાં ૨૫૦થી વધુ MBBS અને નર્સિંગના વિદ્યાર્થીઓ તેમજ હોસ્પિટલના સ્ટાફે ઉત્સાહપૂર્વક ભાગ લીધો હતો.

આ કાર્યક્રમમાં મુખ્ય અતિથિ તરીકે એડિશનલ ડિરેક્ટર જનરલ ઓફ પોલીસ શ્રી અજય ચૌધરી (IPS) અને જી.એમ.ઈ.આર.એસ. મેડિકલ કોલેજના મેડિકલ સુપરિન્ટેન્ડન્ટ ડૉ. મીતા પારેખ હાજર રહ્યા હતા. કાર્યક્રમના મુખ્ય વક્તા તરીકે MTV Roadiesમાં ભાગ લઈ ચૂકેલા અને ગુજરાત સરકારના યુથ એમ્બેસેડર શ્રી વિદિત શર્માએ હાજરી આપી હતી. તેમણે “Mind Strong Gujarat” અભિયાન અંતર્ગત યુવાનોને mindfulness, drug-free India અને suicide prevention (આત્મહત્યા નિવારણ) જેવા મહત્વપૂર્ણ મુદ્દાઓ પર પ્રેરણાદાયી માર્ગદર્શન પૂરું પાડ્યું હતું.

આ કાર્યક્રમનું સફળ આયોજન Dr. Kaushal Jadeja (HOD I/C & Assistant Professor), Dr. Swati Palani (Senior Resident), Dr. Krishika Tailor (Senior Resident), Mehul Panchal (Clinical Psychologist) અને NMHP ટીમ દ્વારા કરવામાં આવ્યું હતું. તમામ મહાનુભાવોએ માનસિક આરોગ્ય અંગે વૈજ્ઞાનિક અને સકારાત્મક દ્રષ્ટિકોણ કેળવવા પર ભાર મૂક્યો હતો. આયોજકોના જણાવ્યા અનુસાર, આ કાર્યક્રમ દ્વારા યુવાઓમાં માનસિક સ્વાસ્થ્ય પ્રત્યે જાગૃતિ લાવવા અને તેમનામાં સકારાત્મક વિચારો વિકસાવવા માટે એક મહત્વપૂર્ણ પ્લેટફોર્મ પૂરું પાડવામાં આવ્યું છે.