‘વાહ કેમિકલ્સ લિમિટેડ’નો રૂ. ૧૩.૪૫ કરોડનો પબ્લિક ઈશ્યુ ૪ જૂનથી ખૂલશે

અમદાવાદ, ૨ જૂન ૨૦૨૬: સુરત સ્થિત ટેક્સટાઈલ ઓક્સિલરી કેમિકલ્સ ઉત્પાદન અને ન્યુટ્રાસ્યુટિકલ ક્ષેત્રની ઝડપથી વિકસતી કંપની, વાહ કેમિકલ્સ લિમિટેડ તેનો પ્રારંભિક પબ્લિક ઈશ્યૂ (IPO) લાવવાની જાહેરાત કરી છે. આ આઈપીઓ દ્વારા કંપની મૂડીબજારમાં પ્રવેશવા સજ્જ થઈ છે. કંપનીનો આ ઈશ્યૂ સંપૂર્ણપણે ફ્રેશ ઈશ્યૂ છે, જેની કુલ સાઈઝ રૂ. ૧૩.૪૫ કરોડ (૨૨,૪૨,૦૦૦ ઇક્વિટી શેર) છે. રૂ. ૧૦ની ફેસ વેલ્યુ ધરાવતા શેર રૂ. ૬૦ પ્રતિ શેરના ભાવ પર ઈશ્યુમાં ઓફર કરવામાં આવશે. ઈશ્યૂ ભરણાં માટે ૪ જૂન, ૨૦૨૬ના રોજ ખૂલશે અને ૮ જૂન, ૨૦૨૬ના રોજ બંધ થશે.
ઈશ્યુમાં રોકાણ કરવા માટે ન્યુનતમ ૪,૦૦૦ શેર (૨ લોટ – રૂ. ૨,૪૦,૦૦૦) અને ત્યારબાદ તેના ગુણાંકમાં અરજી કરવાની રહેશે. ઈશ્યુમા ઓફર કરેલા શેરનું લિસ્ટિંગ BSE SME પ્લેટફોર્મ પર ૧૧ જૂન, ૨૦૨૬ (સંભવિત તારીખ) ના રોજ થશે.
વર્ષ ૨૦૧૯માં સ્થાપિત વાહ કેમિકલ્સ ડાઈંગ અને પ્રિન્ટિંગ હાઉસો માટે કસ્ટમાઈઝ્ડ કેમિકલ બ્લેન્ડિંગ બિઝનેસ ધરાવે છે. આ સ્થિર B2B બિઝનેસની સાથે કંપની તેની પેટાકંપની ‘HSHS ન્યુટ્રાસ્યુટિકલ્સ લિમિટેડ’ હેઠળ ‘ડિવાઇન ન્યુટ્રિશન’ બ્રાન્ડ ચલાવે છે. આ હેલ્થ અને વેલનેસ બ્રાન્ડ ભારતમાં ઝડપથી વિસ્તરી રહી છે અને આગામી સમયમાં યુએસ, નેપાળ અને દુબઈ જેવા આંતરરાષ્ટ્રીય બજારોમાં પ્રવેશવા જઈ રહી છે.
નાણાકીય મોરચે કંપનીએ શાનદાર દેખાવ કર્યો છે. FY26માં કંપનીની આવક રૂ. ૪૩.૧૫ કરોડ, એબીટડા (EBITDA) રૂ. ૮.૨૨ કરોડ (માર્જિન ૧૯.૦૬%) અને નેટ નફો રૂ. ૫.૦૮ કરોડ (માર્જિન ૧૧.૭૯%) રહ્યો છે. કંપનીનો RoE ૩૪.૧૧% અને RoCE ૩૧.૭૬% છે, જ્યારે ડેટ-ટુ-ઈક્વિટી રેશિયો ઘટીને ૦.૭૬ થયો છે, જે મજબૂત બેલેન્સ શીટ દર્શાવે છે.
ઈશ્યૂમાંથી પ્રાપ્ત થનારી રકમમાંથી રૂ. ૫.૮૩ કરોડ કાર્યકારી મૂડી માટે, રૂ. ૧.૯૨ કરોડ સુરત ખાતે નવા ઉત્પાદન એકમની સ્થાપના માટે અને રૂ. ૧.૮૪ કરોડ લોનની ચૂકવણી માટે વાપરવામાં આવશે. બાકીની રકમ સામાન્ય કોર્પોરેટ હેતુઓ અને ઈશ્યૂ ખર્ચ માટે ફાળવાશે.
કંપનીના આઈપીઓ અને ભવિષ્યની યોજનાઓ અંગે આશાવાદ વ્યક્ત કરતા કંપનીના ચેરમેન અને મેનેજીંગ ડીરેક્ટર શ્રી હિરેન દેસાઈએ જણાવ્યું હતું કે, “આ આઈપીઓ વાહ કેમિકલ્સ માટે એક ઐતિહાસિક ક્ષણ છે. સુરતમાં નવો ૧,૫૦0 MT ક્ષમતાનો બેકવર્ડ ઇન્ટિગ્રેશન પ્લાન્ટ સ્થપાવાથી થર્ડ-પાર્ટી પરની અમારી નિર્ભરતા ઘટશે, જેથી અમારો પ્રોડક્શન પાવર અને ક્વોલિટી કંટ્રોલ વધુ મજબૂત બનશે. કેમિકલ બ્લેન્ડિંગ સેગમેન્ટની સ્થિરતા અને અમારી આશાસ્પદ બ્રાન્ડ ‘ડિવાઇન ન્યુટ્રિશન’ના વિસ્ફોટક ગ્રોથના સંયોજન સાથે અમે એક અનન્ય બિઝનેસ મોડેલ ધરાવીએ છીએ. અમે આગામી સમયમાં નવા ભૌગોલિક વિસ્તારોમાં વિસ્તરણ કરવા અને અમારા રોકાણકારો માટે લાંબા ગાળાનું મજબૂત મૂલ્ય સર્જન કરવા માટે સંપૂર્ણ આશાવાદી છીએ.”
ઈશ્યૂ ભાવ પર કંપનીની માર્કેટ કેપ આશરે રૂ. ૪૯.૮૩ કરોડ રહેશે અને શેર આશરે ૯.૮ના આકર્ષક પીઈ (P/E) મલ્ટિપલ પર ઓફર થઈ રહ્યો છે. મારવાડી ચંદારાણા ઇન્ટરમિડીએટરિસ બ્રોકર્સ પ્રા.લિ. આ ઈશ્યૂના લીડ મેનેજર અને Kfin ટેકનોલોજીઝ લિ. રજીસ્ટ્રાર છે. આ ઇશ્યૂ માટે માર્કેટ મેકર માનસી શેર એન્ડ સ્ટોક બ્રોકિંગ પ્રાઇવેટ લિમિટેડ છે.