12 જૂને IAR યુનિવર્સિટી, કોબા ખાતે રોજગાર મેળો, વિવિધ કંપનીઓ કરશે ઉમેદવારોની પસંદગી
ગાંધીનગર : જિલ્લા રોજગાર વિનિમય કચેરી, ગાંધીનગર અને IAR (Institute of Advanced Research) યુનિવર્સિટીના સંયુક્ત ઉપક્રમે રોજગારવાંચ્છુ યુવાનો માટે તા. 12 જૂન, 2026ના રોજ સવારે 10:00 કલાકે IAR યુનિવર્સિટી, પી.ડી.ઈ.યુ. મેટ્રો સ્ટેશન નજીક, કોબા ખાતે રોજગાર ભરતીમેળાનું આયોજન કરવામાં આવ્યું છે.
આ ભરતીમેળામાં વિવિધ કંપનીઓ અને નોકરીદાતા સંસ્થાઓ દ્વારા કુશળ ઉમેદવારોની પ્રાથમિક પસંદગી કરવામાં આવશે. 18 થી 35 વર્ષની ઉંમરના ધોરણ 10 પાસ, ધોરણ 12 પાસ, ડિપ્લોમા, ITI, સ્નાતક તેમજ અનુસ્નાતક લાયકાત ધરાવતા ઉમેદવારો ભાગ લઈ શકશે.
ઇચ્છુક ઉમેદવારો અનુબંધમ પોર્ટલ પર નોંધણી કરાવી શકે છે. આ ભરતીમેળાનું જોબફેર આઈ.ડી. JF498570049 છે. ઉમેદવારોએ પોતાના અસલ પ્રમાણપત્રો, ઝેરોક્ષ નકલો અને બાયોડેટા સાથે હાજર રહેવાનું રહેશે. જિલ્લા રોજગાર અધિકારીના જણાવ્યા અનુસાર, રોજગાર કચેરીમાં નોંધાયેલા તેમજ બિનનોંધાયેલ માત્ર ગાંધીનગર જિલ્લાના રોજગારવાંચ્છુ ઉમેદવારો જ આ ભરતીમેળામાં ભાગ લઈ શકશે.
