ગાંધીનગર મહાનગરપાલિકાની સામાન્ય સભા આવતીકાલે યોજાશે, 7 મહત્વના મુદ્દાઓ પર થશે ચર્ચા

ગાંધીનગર: ગાંધીનગર મહાનગરપાલિકાની સામાન્ય સભાની બેઠક આવતીકાલે તા. 20 જૂન, 2026ના રોજ સાંજે 4:30 કલાકે પંડિત દીનદયાળ ઉપાધ્યાય ભવનના ચોથા માળે આવેલ સભાખંડમાં યોજાશે. બેઠકમાં શહેરના વિકાસ અને વહીવટી કામગીરીને લગતા કુલ 7 મહત્વના મુદ્દાઓ પર ચર્ચા કરી નિર્ણય લેવામાં આવશે.
સભાના એજન્ડામાં અગાઉની સામાન્ય સભાના પ્રોસીડિંગ્સને મંજૂરી આપવાનો મુદ્દો સામેલ છે. ઉપરાંત વિવિધ ટાઉન પ્લાનિંગ યોજનાઓ હેઠળ પ્રાથમિક યોજનાઓ જાહેર કરતા પહેલાં મળેલી ફેર દરખાસ્તો અંગે કમિશનર દ્વારા રજૂ કરાયેલા ભલામણોને મંજૂરી આપવાનો મુદ્દો પણ ચર્ચા માટે રાખવામાં આવ્યો છે.
આ ઉપરાંત આઈઆઈટી પાલજ ખાતે આવેલા ગુજરાત ઇન્ટરનેશનલ ફાઇનાન્સ ટેક-સિટી ઇન્ક્યુબેટર અંતર્ગત થયેલા ખર્ચને આવક કોરસપોન્ડન્સ કરવા તથા બીલ મંજૂરી સંબંધિત મુદ્દો, તેમજ રેડી-મિક્સ કોંક્રીટ (RMC) પ્લાન્ટ માટે જરૂરી લાઇસન્સની સ્ટાન્ડર્ડ ઓપરેટિંગ પ્રોસિજર (SOP)ને મંજૂરી આપવાનો મુદ્દો પણ એજન્ડામાં સમાવાયો છે.
મ્યુનિસિપલ સેક્રેટરી દ્વારા જાહેર કરાયેલા સૂચનાપત્ર અનુસાર તમામ સભાસદોને બેઠકમાં સમયસર હાજર રહેવા અનુરોધ કરવામાં આવ્યો છે.

મુખ્ય મુદ્દાઓ:
સામાન્ય સભાના અગાઉના પ્રોસીડિંગ્સને મંજૂરી
વિવિધ ટાઉન પ્લાનિંગ યોજનાઓની ફેર દરખાસ્તો અંગે નિર્ણય
GIFT સિટી ઇન્ક્યુબેટર સંબંધિત ખર્ચ અને બિલ મંજૂરી
RMC પ્લાન્ટ માટે SOP મંજૂરી
શહેર વિકાસ સંબંધિત અન્ય મહત્વના વહીવટી નિર્ણયો