ગાંધીનગર જિલ્લાના રોજગારવાંચ્છુઓ માટે સુવર્ણ તક

જિલ્લા રોજગાર વિનિમય કચેરી, ગાંધીનગર દ્વારા રોજગારવાંચ્છુ ઉમેદવારોના લાભાર્થે આગામી તા.૧૦/૦૭/૨૦૨૬ના રોજ સવારે ૧૦:૦૦ કલાકે ટેક મહિન્દ્રા લિ., ૧૯મો માળ, QC બિલ્ડિંગ, ગિફ્ટ સિટી, ગાંધીનગર ખાતે એક રોજગાર ભરતીમેળાનું આયોજન કરવામાં આવ્યું છે. આ રોજગાર ભરતીમેળામાં પ્રતિષ્ઠિત નોકરીદાતા દ્વારા કુશળ ઉમેદવારોની પ્રાથમિક પસંદગી કરવામાં આવશે, જેમાં ૧૮ થી ૩૫ વર્ષની ઉંમરના ધોરણ-૧૨ પાસ તથા કોઈપણ સ્નાતક કક્ષાની લાયકાત ધરાવતા ફક્ત શારીરિક સશક્ત ઉમેદવારો ભાગ લઇ શકશે. ઇચ્છુક ઉમેદવારોએ રાજ્ય સરકારના અનુબંધમ પોર્ટલ anubandham.gujarat.gov.in ઉપર રજીસ્ટ્રેશન કરવાનું રહેશે, જેનો જોબફેર આઇ.ડી. JF682279164 છે. ઉમેદવારોએ ભરતીમેળામાં પોતાના અસલ પ્રમાણપત્રોની ઝેરોક્ષ નકલો અને બાયોડેટા સાથે લાવવાના રહેશે. આ ભરતીમેળામાં રોજગાર કચેરીમાં નામ નોંધણી કરાવેલ અને નોંધણી વગરના માત્ર ગાંધીનગર જિલ્લાના જ રોજગારવાંચ્છુ ઉમેદવારો ભાગ લઇ શકશે, તેમ જિલ્લા રોજગાર અધિકારીશ્રી (સા.), જિલ્લા રોજગાર વિનિમય કચેરી, ગાંધીનગર દ્વારા જણાવાયું છે.