ગાંધીનગર મહાનગરપાલિકા સામાન્ય ચૂંટણી-૨૦૨૬ અન્વયે જિલ્લા કક્ષાના કન્ટ્રોલ રૂમનો પ્રારંભ
ગાંધીનગર મહાનગરપાલિકાની સામાન્ય ચૂંટણી આગામી તા.૧૧/૧૦/૨૦૨૬ના રોજ યોજાનાર છે. મતદારો તરફથી મળતી રજૂઆતો અને પૂછપરછના યોગ્ય નિવારણ માટે જિલ્લા કક્ષાએ મતદાનના દિવસે તા. ૧૧/૧૦/૨૦૨૬ મતગણતરીના દિવસે તા. ૧૩/૧૦/૨૦૨૬ના રોજ જિલ્લા કક્ષાએ કન્ટ્રોલ રૂમ કાર્યરત કરવામાં આવ્યો છે.
મતદારો અથવા નાગરિકો ચૂંટણી સંબંધિત કોઈપણ માહિતી કે રજૂઆત માટે જિલ્લા કક્ષાના કન્ટ્રોલ રૂમ નંબર ૦૭૯૨૩૨૫૯૦૩૫ પર સંપર્ક કરી શકે છે. ગાંધીનગર મહાનગરપાલિકાની ચૂંટણી પ્રક્રિયા સંપૂર્ણપણે મુક્ત, ન્યાયી અને શાંતિપૂર્ણ વાતાવરણમાં સંપન્ન થાય તેમજ મતદારોને કોઈપણ પ્રકારની અસુવિધા ન પડે તે માટે જિલ્લા વહીવટી તંત્ર દ્વારા આધુનિક સુવિધાઓ સાથે કન્ટ્રોલ રૂમ સજ્જ કરવામાં આવ્યો છે.
