મરાઠા અનામત: સુપ્રીમ કોર્ટે પ્રતિબંધ મૂકવાનો ઇનકાર કર્યો

નવી દિલ્હી/મુંબઈ
ઉદ્ધવ સરકાર મરાઠા સમુદાયને અનામત આપવાની બાબતમાં રાહત મળી છે. સુપ્રીમ કોર્ટે મરાઠા સમુદાયને મહારાષ્ટ્રમાં શિક્ષણ અને નોકરીમાં અનામત પર પ્રતિબંધ મૂકવાનો ઇનકાર કર્યો છે. સુપ્રીમ કોર્ટે કહ્યું કે આ કેસમાં અંતિમ સુનાવણી 17 માર્ચથી શરૂ થશે.
અરજીમાં કહેવામાં આવ્યું છે કે ઈન્દિરા સાહની કેસમાં બંધારણ બેંચ દ્વારા નિર્ધારિત અનામત પર 50 ટકાની કેપનું ઉલ્લંઘન કરવામાં આવ્યું છે. મહારાષ્ટ્ર સરકારે મરાઠા સમુદાયને શિક્ષણ અને સરકારી નોકરીમાં 16 ટકા અનામત આપવાનો નિર્ણય લીધો હતો.
આ નિર્ણયને બોમ્બે હાઈકોર્ટમાં પડકારવામાં આવ્યો હતો, પરંતુ હાઈકોર્ટે આ અરજી ફગાવી દીધી હતી. આ પછી, સુપ્રીમ કોર્ટમાં હાઈકોર્ટ સામે એક અરજી દાખલ કરવામાં આવી હતી, જ્યારે બુધવારે આ અરજીની સુનાવણી કરતી વખતે સુપ્રીમ કોર્ટે મરાઠા અનામત પર પ્રતિબંધ મૂકવાનો ઇનકાર કર્યો હતો. બોમ્બે હાઈકોર્ટે પોતાના ચુકાદામાં કહ્યું હતું કે મરાઠા સમુદાય માટે 16 ટકા અનામત વાજબી નથી. મરાઠા આરક્ષણ રોજગારની દ્રષ્ટિએ 12 ટકા અને શૈક્ષણિક સંસ્થાઓમાં પ્રવેશના કિસ્સામાં 13 ટકાથી વધુ ન હોવું જોઈએ.