ગાંધીનગરના મેયરના ઘરની નજીક સેક્ટર 22માં દંપતિ કોરોના પોઝિટિવ
ગાંધીનગરઃ
ગાંધીનગર શહેરમાં કરોને કહેર મચાવ્યો છે ત્યારે આજે વધુ બે કેસ સામે આવ્યાં છે. જેમાં ગાંધીનગર મહાનગરપાલિકાના મેયરના ઘરથી નજીક સેક્ટર 22 માં પોસ્ટ ઑફિસની પાછળના ભાગમાં “છ” ટાઈપ આવાસમાં રહેતું દંપતિ પોઝિટિવ આવ્યું છે, 29 વર્ષીય પતિ શિક્ષક તરીકે ફરજ બજાવે છે. જ્યારે તેમની 27 વર્ષીય પત્ની અમદાવાદ સિવિલ હોસ્પિટલમાં નર્સ તરીકે ફરજ બજાવે છે. ત્રણ કેસની સાથે ગાંધીનગરનો આંકડો 193 પર પહોંચ્યો છે.
ગાંધીનગરના ગ્રામ્ય વિસ્તારમાં પણ કેસ સામે આવી રહ્યાં છે. ત્યારે આજે લવારપુર ગામમાં રહેતી 30 વર્ષીય યુવતી પોઝિટિવ આવી છે. આ યુવતી ચાંદખેડામાં રહેતાં પોતાના માતાપિતા પોઝિટિવ આવતાં ઘરે ગઈ હતી. જ્યારે 14 દિવસનો ટાઈમ પિરિયડ પણ પૂરો કર્યો હતો. ત્યારે આજે ગામમાં આવતાં ગામમાં આવતાં પંચાયત દ્વારા યુવતીનો પુનઃ ટેસ્ટ કરવામાં આવતાં પોઝિટિવ આવી હતી.
