અનુષ્કાનો પુત્ર-પુત્રીને લઇ સવાલ: શું પુત્ર હોવો એ જ ‘વિશેષાધિકાર’ છે?
ઉત્તર પ્રદેશના હાથરસ અને બલરામપુરની બે યુવતીઓ સાથે જે બન્યું તેનાથી આખો દેશ ગુસ્સે છે. દરેક લોકો સોશિયલ મીડિયા પર આ ઘટના અંગે નારાજગી વ્યક્ત કરી રહ્યા છે. બોલિવૂડના ઘણા સ્ટાર્સે આ બાબતો પર નારાજગી વ્યક્ત કરી છે, પરંતુ આ દરમિયાન બોલિવૂડ અભિનેત્રી અનુષ્કા શર્માએ મીડિયા પર એક લાંબી પહોળી પોસ્ટ શેર કરી છે, જેમાં ગર્ભવતી અનુષ્કાએ આ ઘટનાઓ અને સમાજમાં પુત્ર-પુત્રીઓ વચ્ચેના તફાવત અંગે નારાજગી વ્યક્ત કરી હતી. લોકોની માનસિકતા ઉપર સવાલ ઉઠાવ્યા છે.
તેમણે ખુલ્લેઆમ લખ્યું- શું પુત્ર હોવો એ જ ‘વિશેષાધિકાર’ છે? અનુષ્કા શર્માએ તેની ઇન્સ્ટા સ્ટોરી પોસ્ટ શેર કરી છે. તેમણે લખ્યું છે કે- આપણા સમાજમાં પુરુષ બાળકને ‘વિશેષાધિકાર’ તરીકે જોવામાં આવે છે. છોકરી હોવું એ બીજી કોઈ વાત કરતાં વધારે મૂલ્યવાન અને સન્માનીય નથી, પરંતુ હકીકત એ છે કે આ કહેવાતા વિશેષાધિકારને અન્યાયી અને ખૂબ જ જુના દેખાવ સાથે જોવામાં આવે છે. જે વાતમાં વિશેષાધિકાર છે એ એ છે કે તમે તમારા છોકરાને યોગ્ય રીતે કાળજી આપો કે જેથી તે છોકરીઓનો આદર કરે. સમાજ પ્રત્યે માતાપિતા તરીકેની તમારી જવાબદારી છે. તેથી તેને વિશેષાધિકાર ન માનશો. તેમણે આગળ લખ્યું કે- ‘બાળકનું જેન્ડર તમને વિશેષાધિકાર અથવા સન્માન આપતું નથી પરંતુ સમાજ પ્રત્યેની તમારી જવાબદારી છે કે તમે તમારા પુત્રને એવી કાળજી આપો કે સ્ત્રીને આ સમાજમાં સલામત લાગે.’ આ પહેલા અનુષ્કાએ ઉત્તર પ્રદેશમાં બળાત્કારના મામલે ગુસ્સો વ્યક્ત કર્યો હતો.
