ચોથા સ્થાને રહેલા ભારતીય ખેલાડીઓને આ કંપની શાનદાર કાર ગીફટ કરશે

ભારતની સૌથી મોટી કાર નિર્માતા કંપની ટાટા મોટર્સે (Tata Motors )ગુરુવારે જાહેરાત કરી છે કે કંપની ટોક્યો ઓલિમ્પિકમાં બ્રોન્ઝ મેડલ ચૂકી ગયેલા ભારતીય ખેલાડીઓને અલ્ટ્રોઝ કાર આપશે. રવિવારે સમાપ્ત થયેલી ટોક્યો ગેમ્સ (Tokyo Games)માં ભારતીય ગોલ્ફર અદિતિ અશોક, કુસ્તીબાજ દીપક પૂનિયા અને મહિલા હોકી ટીમ  (Women’s hockey team)ચોથા સ્થાને રહી હતી.

ટાટા મોટર્સે (Tata Motors ) જાહેરાત કરી હતી કે, કંપની ટોક્યો ઓલિમ્પિકમાં બ્રોન્ઝ મેડલ ચૂકી ગયેલા દરેક ભારતીય રમતવીરોને અલ્ટ્રોઝ ગાડીની ભેટ આપશે. આ ખેલાડીઓએ ઓલિમ્પિક (Olympics)માં ભારતનું પ્રતિનિધિત્વ કર્યું હતું અને ગોલ્ડ સ્ટાન્ડર્ડ નક્કી કર્યું છે અને ઘણા મહત્વાકાંક્ષી યુવા ખેલાડીઓને તેમના માર્ગ પર ચાલવા માટે પ્રેરિત કર્યા છે,

આ પ્રયાસ ખેલાડીઓને તેમની સખત મહેનત અને સમર્પણ માટે આભાર અને ઓળખ આપવા માટે છે. ટાટા મોટર્સ (Tata Motors ) તેની સૌથી પ્રીમિયમ હેચ ટૂંક સમયમાં ખેલાડીઓને આપશે. ટાટા મોટર્સે કંપનીના પેસેન્જર વ્હીકલ બિઝનેસના વડા શૈલેષ ચંદ્રએ કહ્યું “ભારત માટે આ ઓલિમ્પિક્સ મેડલ અને પોડિયમ સમાપ્ત કરતાં ઘણું વધારે હતું. રમતવીરો (Athletes) આપણા દેશનું પ્રતિનિધિત્વ કરે છે અને પોડિયમ પૂર્ણાહુતિની ખૂબ નજીક આવે છે.

ચંદ્રાએ કહ્યું કે, તેઓ કદાચ મેડલ ચૂકી ગયા હશે, “પરંતુ તેઓએ તેમના સમર્પણથી લાખો ભારતીયોના દિલ જીતી લીધા છે અને તેઓ ભારતના યુવા રમતવીરો માટે સાચી પ્રેરણા છે. ટોક્યો ઓલિમ્પિક (Tokyo Olympics)માં ભારતે સાત મેડલ જીત્યા છે. જેમાં ભાલા ફેંકનાર નીરજ ચોપરાએ 13 વર્ષ બાદ પ્રથમ ગોલ્ડ જીત્યો હતો, જે ગેમ્સમાં ટ્રેક એન્ડ ફિલ્ડમાં દેશનો પ્રથમ મેડલ પણ છે. આ ગોલ્ડ ઉપરાંત ભારતે બે સિલ્વર અને ચાર બ્રોન્ઝ મેડલ (Bronze medal)પણ જીત્યા હતા.

અમેરિકાએ 39 ગોલ્ડ મેડલ સાથે 113 પોડિયમ સ્થાન સાથે મેડલ ટેલીમાં ટોચનું સ્થાન મેળવ્યું છે જ્યારે ચીન 38 ગોલ્ડ સાથે 88 પોડિયમ સ્થાન સાથે બીજા ક્રમે છે. યજમાન જાપાન 27 ગોલ્ડ મેડલ સહિત 58 મેડલ સાથે ત્રીજા સ્થાને રહ્યું હતુ.